xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

الى من

المنتدى الادبى

25-06-2008, 04:33 AM
حماد الخريصي
 
الى من

الى من أودعتني في هواهـــا=كما المجنون بس اتبع خطاهـا
طلبت الله و دموعي بعيني=بها مايهتني منهو خذاها
حشا لله ماخنت الموده=ولا بينت للعالم خطـــاها
لأني صادق في حب ضبيه=ولامن قلت اغليهــا غلاهـا
جبرني أنحني لذكرى أهلهــا=وأحـــب من حبها ناس معاها
وأحب من حبها الثوب المرودن=يذكرني في ملبسها وحلاها
وأحب اديار لبّاس الهباري=أدوّر عشقتي وأسعى وراها
سنه مرت بعد مامر عشره=وأنا أركض من خلاها في خلاها
أحسب اللي لهبها في ظميري=سعاير تصطلي داخل حشاهــا
أثار أخت المهــا في جو ثاني=تداعبها الهبايب في فلاهــــا
وانا ظنيت من اول لقانـــا=بغتني مثل ماقلبي بغاهـــا
اثاريها على ماقيل طفلـــه=وانا حبي لها يعني بعماها
تخيّل بعد ماشابت رموشي=دفعني شوق جبّار وطراهـــا
لقيت بدفتري ذكرى قديمه=كذا سميتها يحرق سماهــــا
قمشلي واسمها ونمرة اهلها=على سمل الـ..ْوراق ومحتواهـا
طلبت الرقم وقبل أنهي اتصالي=صدى صوت لفا روحي وسباها
الو والصوت مبحوح وخذاني=جـــــريح الناي ذكرني صباها
أحاكيها وانا روحي أليمه=سرابي حبها ومدري شبلاها
تجاهل كنها .. عنّي غريبة=وأذّكرها ولا تذكر عشاها
احاكيها واذكّرهــا بكلمه =عساها تذكر الماضي عساها
أصور رحلة الوجد وعذابي=وبعد أشرح لها رحـــلة أساها
وبعدها ارجع وأوصّف له جمالٍ=عطاها الله مانالـــه سواهــا
تمثل في ضيا بدر(ن) تجـــــلا =يعاند حالك الليل إن كسـاها
واذكرها البرد والجمر فمها=ثمانٍ في مبيسمها إش حلاهـــا؟؟
وعود مايشادي كود غصنٍ=على ضفة نهر دجلــه سقاها
وهلالٍ معتلي من فوق نرجس=حضنها بالغلا.. ورمحٍ حماهــا
واوصف حسنها وعذب المحيا =لها واوصف لها قبـْلة نباهــا
عطيت اوصافها لين أذكرتني=وأذكرها بوقفـــــاتي معاهـا
وردت لي وهي جداً حزينـه=على حظٍ عثر فيها ورماهـــا
فرحت وانطعت بالف خنجر=سماعي لصوتها ونازف دماهــا
على كبر الفرح حزني أسرني=مع ماردِّدَتْ "إســـــم" بـ..نداهـــا
سألته من يكون الطفل هذا=وتمنيته تجاوب لقصراهـــــــا
ولكن جددت جرحــي وقالت=حبيبي ولمّحت لي من حشاها
وانا من طبعي الغيره وذبحي=مُجرد ذِكر مخلوقٍ حواهـــــا
سؤال يموت مايلقى إجابــه=غلاي أولى بها وإلاّ ضناهــــــا

الشاعر حماد الخريصي
من مواضيع : حماد الخريصي الى من
 

الكلمات الدلالية (Tags)
من, امي

أدوات الموضوع

الانتقال السريع

الى من

الساعة الآن 05:00 AM.