xpredo script

العودة   نيو حب > المنتديات العامة > الحوار المفتوح
التسجيل

الحق نفسك قبل ماتكون واحد منهم.........

الحوار المفتوح

09-07-2008, 06:53 PM
من اجل صحه افضل
 
الحق نفسك قبل ماتكون واحد منهم

طبعا أكيد بتسأل مين دول اللى ممكن تكون منهم ... صح ؟

- صح

- اقول لك ..... دول بقى يا سيدي 10 مليون مصاب بالالتهاب الكبدى الوبائى تسمع عنه ؟

-آه أسمع بس بصراحة معرفش عنه كتير ايه هو بقى ؟

- بص يا سيدي

-بصيت

- التهاب الكبد ده مرض بيصيب كبد الإنسان نتيجة الإصابة بالفيروس وانت عارف الكبد ده مهم بالنسبة لنا قد ايه

- آه طيب أنا سمعت انهم كذا فيروس

- فعلا هم 7 فيروسات A,b,c,d,e,f,g

- بس أن مسمعتش غير عن A,b,c

- ما هى الانواع دى هى اللى منتشرة

- طيب وده خطر يعنى ؟

- طبعا ده ممكن يأدى لتليف الكبد وبالتالى الكبد مش هيقوم بوظايفه ربنا يعافيك ويعافينا

- طيب وهى وظايف الكبد دى مهمة ؟

- طبعا مهمة جدا الكبد ده أكبر مصنع فى جسم الإنسان له حوالى 300 وظيفة ومن غير الكبد حياة الإنسان بتنتهى
شوف انت بقى لما جسمك يفقد 300 وظيفة كان عضو واحد بيأديهم


-طيب انا فى ايدي ايه يعنى ؟

- يا عم سهلة كل الموضوع انك تعمل احتياطك وتتوكل على الله

- طيب اعمل ايه يعنى؟

- جينا للمهم
بكل بساطة تغسل ايدك كويس قبل الاكل وتشرب مية نقية وطبعا بلاش الاكل من بره وكدة وخليك انت فى المضمون وفيروس A(الصفراااا) عمره ما هيجي لك


- طيب وباقى الفيروسات ؟

- بص B و C بيتنقلوا عن طريق الدم لكن برده سهلة

فيروس B تاخد التطعيم بتاعه وتتجنب تلامس اى دم وكمان طبعا مينفعش تستخدم الأدوات الشخصية لغيرك وأى حاجة ممكن توصل لدمك لازم تتأكد من سلامتها


- زي ايه يعنى ؟

-زي امواس الحلاقة وفرش الاسنان والحقن والدبابيس



طب الواحد ممكن يعمل ايه عشان يتاكد ان المرض مش عنده؟

سهله تعمل تحليل بسيط زى
PCR
او
وظاثف كبـــد زى
SGPT
SGOT
-طيب هو مفيش تطعيم لفيروس C ؟

- للأسف مفيش فلازم تاخد بالك وتحافظ على نفسك
ومفيش قدامك اختيار لان دى سلامة جسمك
وجسمك أمانه هتتحاسب عليها


طيب هو فيه اعراض مميزه للمرض ده؟

هو اعراض الفيروسات التلاته تقريبا واحده زى
-اعراض تشبه الانفلونزا
-اصفرار الجلد والعينين
-غمقان فى البول يشبه الشاى الداكن
-فتحان فى لون البراز
والتفرقه بينهم بتم عن طريق التحاليل الى قلتلك عليها فى الاول

يااااااه
طب هو فيه علاااااااج؟

والله هو بالنسبه لفيرس A علاجه بيبقى بالراحه التامه واخد ادويه مضاده للالتهاب ومضادات حيويه مع اكل انواع معينه من الاكل عشان منرهقش الكبد
اما بالنسبه لـــ B و C ده بيتعالج بحاجه اسمها الانترفيرون بس ده علاج مكلف جداااا
بيوصل تقريبا العلاج لحوالى 25 الف جنيه فى السنه او اكتر ومش كل الناس حتستجيب كمان للعلاج ده عشان كده لازم تاخد بالك كويس جدااااااااااا
من مواضيع : من اجل صحه افضل الحق نفسك قبل ماتكون واحد منهم.........
10-07-2008, 08:18 PM
مجرد_انسانه
 
الله يجزاك الف خير

تسلم على الموضوع الهم جدا وطرحك بطريقة اكثر من رائعة

بارك الله فيك

تحياتي لك
من مواضيع : مجرد_انسانه شوف وش ميزة اليابانيين عننا.............اتحداك تعرف هاهاهاها
ماله داعي تعيش اصلاً صح؟؟
معلومات مفيدة جدا
معلومات مفيدة 2
عقائديات وفلسفات سياسية واجيال شارفت على الانهيار...!!!
10-07-2008, 08:44 PM
marw22a
 
تسلم اخي ع الطرح المميز الموضوع فعلامهم وخطير والعدوى فيه سهلة
الموضوع مطروح بطريقة مميزة وتشد للقراءة
من مواضيع : marw22a طرائف انشتاين
المرأة وما قيل فيها
موضوع للفتيات وراح يعجب الشباب
اقتلهم ... تعش بسلام
حجابي مصلحتي
 

الكلمات الدلالية (Tags)
ماتكون, منهم........., الحق, نادي, نفسك

أدوات الموضوع

الانتقال السريع

المواضيع المتشابهه
سلطة باذنجان (اطيب ماتكون)

الحق نفسك قبل ماتكون واحد منهم.........

الساعة الآن 12:39 PM.