xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

بعض رباعيات صلاح جاهين

المنتدى الادبى

17-05-2006, 11:17 AM
sweety byby
 
Post بعض رباعيات صلاح جاهين

السلام عليكم ورحمة الله وبركاته

خرج ابن ادم من العدم قلت ياه
رجع ابن ادم للعدم قلت : ياه
تراب بيحيا .... وحي بيصير تراب
الآصل هو الموت والاالحياة؟
عجبي

ضريح رخام فيه السعيد اندفن
وحفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي

ياما صادفت صحاب و ما صاحبتهمش
وكاسات خمور وشراب وما شربتهمش
أندم على الفرص اللي انا سبتهم
والا على الفرص اللي ما سيبتهمش
عجبي

والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبي

انا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي

يا باب مقفول .. امتى الدخول
صبرت ياما و اللي يصبر ينول
دقيت سنين ... والرد يرجع لي : مين ؟
لو كنت عارف مين أنا كنت أقول
عجبي


أحب أعيش ولو في الغابات
أصحى كما ولدتني أمي وابات
طائر ..حيوان.. حشرة.. بشر..بس أعيش
محلا الحياة .. حتى في هيئة نبات
عجبي


عجبتني كلمة من كلام الورق
النور شرق من بين حروفها وبرق
حبيت أشيلها ف قلبي ..قال حرام
ده أنا كل قلب دخلت فيه اتحرق
عجبي

رقبة قزازة وقلبي فيها انحشر
شربت كاس واتنين وخامس عشر
صاحبت ناس م الخمرة ترجع وحوش
وصاحبت ناس م الخمرة ترجع بشر
عجبي

ليه يا حبيبتي ما بينا دايما سفر
ده البعد ذنب كبير لا يغتفر
ليه ياحبيبتي مابينا دايما بحور
أعدي بحر ألاقي غيره اتحفر
عجبي


ورا كل شباك ألف عين مفتوحين
وأنا وأنت ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي


نوح راح لحاله والطوفان استمر
مركبنا تايهة لسه مش لاقيه بر
اه م الطوفان واهين يا بر الآمان
ازاي تبان و الدنيا غرقانة شر
عجبي


ينبوع وفي الحواديت أنا سمعت عنه
انه عجيب .. و ف وسط لهاليب لكنه
شقيت كما الفرسان طريقي.. لقيت
حتى الخنازير والكلاب شربوا منه
عجبي

ياقرص شمس مالوهش قبة سما
يا ورد من غير أرض شب ونما
يا أي معنى جميل سمعنا عليه
الخلق ليه عايشين حياة صعبة
عجبي
من مواضيع : sweety byby قالت احبك
اذكرينى
اطفال الحجارة ...........نزار قبانى
شطرنج
بقايا قصة
17-05-2006, 01:43 PM
اصحاب ولا بيزنس
 
مشاركة: بعض رباعيات صلاح جاهين

كلمات رائعه اخي
مشكوره علي هذه المشاعر الرقيقه
من مواضيع : اصحاب ولا بيزنس احزان انسان
فن الموت
شعراء قتلهم شعرهم الجزء الاول
مشاعر عن شباب العراق
كيفيه ملامسه النجوم؟؟؟؟؟؟؟؟؟؟؟؟
17-05-2006, 09:39 PM
sweety byby
 
مشاركة: بعض رباعيات صلاح جاهين

مشكور علي المرور
من مواضيع : sweety byby من هو.......... جبران خليل جبران
قصة قصيرة (بطل من فلسطين)
بقايا قصة
قالت احبك
القاب الشعراء
 

الكلمات الدلالية (Tags)
بعض, جاهين, رباعيات, سلاح

أدوات الموضوع

الانتقال السريع

المواضيع المتشابهه
رباعيات القوة والفخامة!
صلاح جاهين "لموا الكراريس

بعض رباعيات صلاح جاهين

الساعة الآن 04:12 PM.