xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

حب العصفور للعصفورة

منتدى القصة

14-10-2008, 11:43 PM
ولذكر الله اكبر
 
حب العصفور للعصفورة

حب العصفور للعصفوره 1

ممكن لو تسمحوا لي اني اسالكم سؤال .. يعني تحذروا وتفذروا .. ايه الفرق بين العصفور والعصفوره ؟ ..مين اللي هيجاوب ؟ .. بتقولو ايه .. دي بتجيب الاكل ودي بتجيب الحنان .. غلط طبعا لان هما الاتنين متعاونين لاقصي درجه ..مين تاني.. هيجاوب يا طلبه ليلي مراد في غزل البنات .. دا رئيس الوزرا وده وزير الداخليه .. برده غلط .. لان الاتنين بيتبادلوا المناصب.. و العصافير كلها شعارها .. حبه عليا وحبه عليك .. حبي هديه بين ايديك .. يبقي ايه الفرق .. غلب حماركم اقلكم انا :
  • [ ]الفرق هو التاء المربوطه عند الانثي..وياريت بدل ما ( تتفرسوا ) مني .. تدوروا علي ردود صح زي مثلا :
  • [ ]لو انت جبت شوية حب وحطيتهم للعصفورتين يبقي لو اكل الحب يبقي عصفور .. ولو اكلته بالتاء الزائده تبقي عصفوره
هو كلامي شكله هزار .. بس بجد هو ده الفرق .. يعني باختصار انا اقصد بالكلام ده .. انه مفيش فرق بينهم .. لانهم بيحبه بعض موت .. ولو عاوزين تعرفوا الفرق بجد يبقي هقولكم ان الفرق مش بينهم .. دا الفرق الحقيقي بينهم وبينكم يا بشر .. يا اللي بتدعوا الحب والرومنسيه .. لانه مفيش عصفور بيتجوز عصفوره علشان هي غنيه وهيورث من ابوها .. ولا فيه عصفور بيتجوز عصفوره علشان عيله العصفوره جامده .. ولا فيش عصفور بيتجوز عصفوره علشان يضمن اصوات عيله العصفوره الشحروره في مجلس العصافير .. فوق شجره الجميز .. ولا فيش عصفوره بترضي تتجوز عصفور مبيحبهاش .. وتقول العصفور عيبه منقاره .. (قصدي جيبه ).. ولا فيش عصفوره بترضي تتجوز عصفور لان ثروته جامده .. وهيضمن لها عيشه ( لارج ) عيشة الفخفخه والنغنغه.. ولا فيه عصفوره ترضي تتجوز عصفور علشان مركزه الاجتماعي او منصبه الخطير .. الفرق الوحيد بين البشر والعصافير .. ان كل عصفور بيقلد البشر في حاجه واحده بس .. ان كل عصفور بيحب انه يتجوز عصفوره ( متريشه ) يعني لها ريش جميل .. لكن الشقراوات عندنا عيزينه (متريش ) يعني عنده فلوس كتير .. مش علشان ان شعره جميل ومسبسب .. العصفور والعصفوره يا جماعه روحين في جسد واحد .. وهو دا الحب الحقيقي .. كل حاجه بيعملوها سوا .. بيكافحوا سوا .. وبيبنوا عشهم سوا .. عمري ما شفت عصفوره قالت : انا مش هبدا من الصفر.. ولا يمكن نجيب المأذون الا لما العش فوق الشجره جاهز ومركون .. (يعني واخد ركن ركين في الشجره ) ..مش اي عش والسلام .. عمرها ما حصلت .. وعلي راي محمد فؤاد (هو دا هو دا هودا الحب الحقيقي )..ولو انتو بتعتبروا كلامي ده كلام فاضي ..
يبقي هروح للقاضي .. وهو اللي هيقلكم مش انا .. انه كان فيه .. في سالف العصر والاوان .. ايام سيدنا سليمان .. عصفور بيحب عصفوره وبعدين العصفور كان بموت في دباديب العصفوره .. لكن العصفوره متردده .. لانها مش واثقه من حبه .. بكي العصفور بحرقه .. وهي ولا هنا .. مسالتش عنه .. واخر دلال .. لانها عاوزه تضمن انه بيحبها .. قالها يا حبيبتي يا روح قلبي .. يا نن عينمي من جوه .. انتي ليه مش عاوزه تتجوزيني .. انا بموت فيكي .. انا مقدرش اعيش من غيرك .. الدنيا من غيرك ظلام والشمس طالعه .. والحبوب الجميله في منقاري مية نار من غيرك .. يا حبيبتي حبك نار نار .. ليلي عذاب ونهاري الالام .. اامريني بس وشوفيني هعملك ايه .. حتي لو قلتيلي هد القبه دي علي راس الملك سليمان .. ههدها ومش هتردد .. بس اامري يا حلمي وخيالي .. وهنا سمعهم سيدنا سليمان .. وعلي الفور امر بالقبض علي العصفور .. وقبل ان تجري محاكمته قال له العصفور .. يا سيدنا سليمان : اني عاشق .. وانت اعلم بحال العاشق ..فلا تلوم عاشقا .. فعل ما فعل .. مهما كان الفعل .. لانه يحب ..فهو مغفور له
ولو برده مش واثقين .. شوفوا صفاء الحب في افلام زمان .. ولو مش مصدقين ..شوفوا افلام اسماعيل ياسين ...
من مواضيع : ولذكر الله اكبر حب العصفور للعصفورة 2
حب العصفور للعصفورة
15-10-2008, 12:34 AM
asd_toto
 
رائع
شكرا
من مواضيع : asd_toto
15-10-2008, 06:17 AM
ولذكر الله اكبر
 
اقتباس:
المشاركة الأصلية كتبت بواسطة asd_toto
رائع
شكرا
سعادتي بمرورك اجمل
عندما اتعرف عليك اكثر
ياريت نكون اصدقاء
تحياتي

من مواضيع : ولذكر الله اكبر حب العصفور للعصفورة 2
حب العصفور للعصفورة
18-10-2008, 01:15 PM
nosa meso
 
الله عليك
كلامك اجمل من اى شىء يتقال
كلام يمس القلب
اتمنى لك مزيد من التقدم
دمت بحفظ الرحمن
لك ارق تحياتى
من مواضيع : nosa meso ميته تخبر زوجها بموت ابنه
حصل ما هو غير متوقع فى ليله العرس
ميت يغمز لاحد المصلين
دفنت ابنتها وهى حيه
18-10-2008, 06:59 PM
السونس
 
كلام حلو يحمل الواقع
من مواضيع : السونس قصتي......قصة الخيانة
19-10-2008, 02:32 AM
ولذكر الله اكبر
 
اقتباس:
المشاركة الأصلية كتبت بواسطة nosa meso
الله عليك
كلامك اجمل من اى شىء يتقال
كلام يمس القلب
اتمنى لك مزيد من التقدم
دمت بحفظ الرحمن
لك ارق تحياتى
نوسه الجميله :
دا تاني رد اكتبه ويضيع ولا ادري كيف حدث هذا
برغم اعتماد المشاركه .. انا مش فاكر قلت ايه
لكن قلبي فاكر
ومش مهم اوي اللسان يقول كلام في الحب كبير
المهم القلب يقول الكلام ده ..
زي العصافري بالضبط
انا نادم جدا لان كلامي راح ..
لان الخواطر تاتي مره واحده
زي الحب بالضبط ..
والحب زي الشجره
لو لقت ميه ولم تستغلها ..
سيضيع جزء منها
بل ربما تموت ..
وتفقد كل شيء
تفقد اغلي ما تملك ..
اوراق الحب
وصورتك الجميله خير شاهد

من مواضيع : ولذكر الله اكبر حب العصفور للعصفورة
حب العصفور للعصفورة 2
19-10-2008, 02:08 PM
no_wonder
 
كل واحده فينا جواها عصفورة
وكل واحد جواه عصفور
بس انت تقدر تبين العصفور ده للناس
غيرك مايقدرش
بيقولوا العصافير مخلوقات رقيقة
بريئة
والبراءة فى الزمن ده بنشوفها عيب فينا
بنحاول نصلحه
ولو ماعرفناش نصلح العيب ده
بنحطه فى صندوق ونقفل عليه
ونرميه فى البحر
ولا كان حد شاف حاجه
لاسباب احنا شايفنها صحية
لان الزمن اتغير
والصحى مابقاش صحى
بس برضه لسه فيه عصافير
ولسه فيه عش العصفورة اللى هايقضينا
ولقمة صغنونة تكفينا
وماتلمش العصفورة لو قالت للعصفور
انها مش واثقة من حبه
لان زى ما انت قلت
كان من ايام سيدنا سليمان
ولازم العصفورة تخاف وتقلق
لان حب العصافير اصبح فى خبر كان
ولك منى اجمل سلام
من مواضيع : no_wonder
19-10-2008, 10:43 PM
ولذكر الله اكبر
 
متحيرنيش وتحيريني معاكي ويتحيري العصافير
وتشيليني ذنبهم ..
هما ادري بقلبهم
الخلاصه
ان العصفور لو بقي للعصفوره واستمروا في حبهم يبقي ده حب من بختهم
ولو اتخانقوا وكل واحد راح لحاله
حتي لو كان الحال ده جوا العش كمان
بس عاملين فاصل من عود قش
عازل بيفصل بينهم
يبقي مش حب
دا قرار محكمة حبهم
والحكم بعد المداوله مش قبلها

من مواضيع : ولذكر الله اكبر حب العصفور للعصفورة
حب العصفور للعصفورة 2
19-10-2008, 10:53 PM
no_wonder
 
متحيرنيش وتحيريني معاكي ويتحيري العصافير
وتشيليني ذنبهم ..
هما ادري بقلبهم
الخلاصه

هو انت مش عاجبك حاجه منى ليه
ههههههههههههههه
مين اللى حيرك
وبعدين واحده وبتقول رايها
مش قضيه هى
ولو قضية
يبقى زى ما انت قلت
الحكم بعد المداولة
انا عايزة محامى
من مواضيع : no_wonder
19-10-2008, 11:01 PM
ولذكر الله اكبر
 
اقتباس:
المشاركة الأصلية كتبت بواسطة no_wonder
متحيرنيش وتحيريني معاكي ويتحيري العصافير
وتشيليني ذنبهم ..
هما ادري بقلبهم
الخلاصه

هو انت مش عاجبك حاجه منى ليه
ههههههههههههههه
مين اللى حيرك
وبعدين واحده وبتقول رايها
مش قضيه هى
ولو قضية
يبقى زى ما انت قلت
الحكم بعد المداولة
انا عايزة محامى
انا العصفوره قالتلي انك مش محتاجه محامي
لان العصفور هو اللي هيدافع عنك
لانك بريئه .. ودا من حقك
وحق مامت العصافير وباباهم
لان العصافير مش دوله حره مستقله
ومعروف ان العصفور جوا قفصه
محكوم عليه الا يطير
علشان كده كل حاجه فيه
زي بقيت العصافير الغلابه
عاوزه الستر وخلاص
من مواضيع : ولذكر الله اكبر حب العصفور للعصفورة
حب العصفور للعصفورة 2
22-10-2008, 01:06 PM
جراح قلب
 
موضوعك جميل
وسردك للحدوته مميز
لك منى تحيه عصافيرى

من مواضيع : جراح قلب
23-10-2008, 09:13 PM
ولذكر الله اكبر
 
اقتباس:
المشاركة الأصلية كتبت بواسطة جراح قلب
موضوعك جميل
وسردك للحدوته مميز
لك منى تحيه عصافيرى
لا انا مقدرش علي التحيه العصافيري خالص .. لانها مخلصه اوييييييييييييييييييييييي يييييييييي .. وبتحملني رساله عصافيري في الحب ايضا .. لكن مدام اخترتي انتي كده يبقي اكيد .. انتي عصفوة الجنه وجايه تعمليلي اختبار .. وتاخدي مني كل الاسرار .. اسرار الحب ةالجمال .. شكرا لمرورك.. احنا اصدقاء من زمان فكراني ولا لا
من مواضيع : ولذكر الله اكبر حب العصفور للعصفورة 2
حب العصفور للعصفورة
 

الكلمات الدلالية (Tags)
للعصفورة, العصفور

أدوات الموضوع

الانتقال السريع

المواضيع المتشابهه
حكاية العصفور

حب العصفور للعصفورة

الساعة الآن 09:48 PM.