العودة   منتدى نيو حب > المنتديات العامة > الحوار المفتوح > نكت | طرائف | غرائب

.........تعاطفا مع فايزة...........

نكت | طرائف | غرائب


02-11-2008, 04:58 PM
غزالة المحرق
 
Wink تعاطفا مع فايزة

فى دهاليز ذلك البيت القديم

وفى سرداب قديم أثرى يعلوه خيوط العنكبوت جلست وحدى أبكى حظى العاثر
وخطوبتى الفاشلة أهئ أهئ..منك لله ياأبوتريكة ..
الله يخرب بيتك يازيدان ..
حسبى الله ونعم الوكيل فيك ياحسنى ياعبد ربه

ثم مددت يدى الى فانوس قديم بجوارى وبعزم ماعندى
رزعته فى الحيط صارخا:دااااااااااااااام يوووووووووووووو

ولكن الفانوس تهشم وخرج منه دخان كثيف سرعان ماتجسد فى
صورة شئ مخيف أشبه بالعفاريت هاتفا :أنته عبيط ياض أنته والا إيه.
.حد يعمل كده..الناس تدعك الفانوس..تنفض الفانوس
..مش تهبده الهابده دى أفرض أتعورت..أفرض كنت محبوس
أنا والعفاريت عيالى..حد يعمل كده..ده أنتو جيل مهبب..
الله يرحمك ياأسماعيل ياسين..أتزفت قول طلباتك

أنا عايز أبقى زى أبو تريكة

أبو مين يأخويا

تريييييييييييكة..أنا من يوم كأس الأمم وأنا خطيبتى قلبت عليه..
شوف أبوتريكة حريف أزاى..شوف زيدان عامل راسه أزاى ..
شوف سونج جته إزاى ..النسوان مخها اتهبش

أنته هتقولى ع النسوان ....دول يعفرتوا العفريت

وآخر المتمه تقولى أبوتريكة لابس تشيرت على أسم مراته..
.حتى بالأماره أسمه عزة...حلفتلها ميت يمين أن دى غزة.
.ودى مدينة فى فلسطين..لكن هى دماغها جزمة..ولازم أنا كمان أبقى
لعيب وأجيب جون..وأرفع التى شيرت بأسمها
الله يخرب بيت الحريم على دماغهم...حاضر ياسيدى..أنا هو أديك غانا
تلعب..وهأخليك أحرف من أبوتريكة بتاعكوا ده


فتحت عينى لقيتنى قاعد ع الدكه في استاد غانا والكابتن حمادة صدقى
على ايدى اليمين والكابتن شوقى غريب قاعد على ايدى الشمال
انا مش مصدق نفسى يعنى انا هلعب فى ماتش النهائى مع مصر...
العفريت ده طلع واصل صحيح...


كابتن شوقى: ورينا الهمه يا كابتن جمعاوى كابتن شحاته
طلع متعب عشان يلعبك


وقطع حوارنا صوت كابتن شحاته قوم سخن ياجمعاوى
وربنا دى اخر مره اخلى متعب ينزل فى التشكيله الاساسيه.....


وطلع متعب من غير ميقول ليه...واول حاجه عملها انه راح وباس
ايد كابتن شحاته ....انا مش عارف ليه..


ونزلت الملعب والجماهير كلها بتهتف جمعاوى أهوو جمعاوى
أهوأهو مع انهم اول مره يشفونى لكن البركه ف العفريت ....


اناكنت حاسس انى احرف واحد ف العالم ..كل الناس عرفانى
وكل البنات حبانى ... انا بدات احس انى بقيت معووج ..
انا اعظم لاعب ف المجموعه الشمسيه ..اناجدع ...
انا بطل قومى انا ثروة للبلد انا انا انا وسونج وزيدان
وسونج وزيدان وسونج وزيدان هي خطيرة وسونج وصعبة
وامكانية وجول وجووووووووول جامعاوى جووووول جامععععععاوى
جامعاوى..واحد صفر الفراعنة المصريين هم الابطال واحد صفر
من النجم جامعاوى أرقص ياجامعاوى...أفرح ياجامعاوى...
جامعاوى يقترب من الكاميرا..جامعاوى يرفع التى شيرت جامعاوى يكتب:
تعاااااااااااااااااااااطف اااااااامع فايزة
من مواضيع : غزالة المحرق .........تعاطفا مع فايزة...........
صبحية مباركة ياعروسة يتارى اية الى حصل
شئ عجيب !!!!!!!!!!!!
ماتت بسبب منتدى حب جديد للاسف
تعالوا شوفوا مخ المرأه بس دا كلووو كدب احناا مش كدااااااااا
 

الكلمات الدلالية (Tags)
.........تعاطفا, فايزة...........

أدوات الموضوع

الانتقال السريع

المواضيع المتشابهه
تحميل اغاني فايزه احمد mp3 | تنزيل جميع ألبومات وأغاني فايزة أحمد كروان الشرق mp3
فايزة الكسادى خبيرة التجميل الاماراتية
تحميل جميع اغانى فايزة احمد Fayza Ahmed على روابط مباشرة
أبو تريكة : أشرف إنذار حصل عليه لاعب كرة قدم تعاطفا مع غزة : مقطع فيديو
بعد اشاعات رحيل الخشاب دمنهور يفقد نقطتين تعاطفا مع الحناوى

.........تعاطفا مع فايزة...........

الساعة الآن 10:13 PM