xpredo script

العودة   نيو حب > المنتديات العامة > الحوار المفتوح > طرائف وغرائب
التسجيل

الاسقاط النجمى ........... موضوع مميز جدا وشيق جدا جدا بس للى يفهمه صح

طرائف وغرائب

17-11-2008, 12:54 AM
amdian
 
Icon15 الاسقاط النجمى موضوع مميز جدا وشيق جدا جدا بس للى يفهمه صح

الإسقاط النجمى أو
Astral Projection


هي عملية ترتكز على فرضية وجود جسد ثاني للانسان من اشعاع و الاسقاط النجمي يتمثل بخروج هذا الجسد الاشعاعي و انفصاله عن الجسد المادي و يحدث ذلك في ظروف معينة دقيقة اهمها ان يبلغ الانسان حالة ما بين الوعي و الاغفاء

يعنى اييييييه؟؟؟؟

يعتقد المشتغلون بالإسقاط النجمى بوجود جسد أثيرى أو جسم من الطاقة ينفصل عن الجسم المادى حيث يبقى بقربه أثناء النوم .. ويكون هذان الجسمان متصلان بحبل فضي Silver Cord يربط بينهما .

ممكن بقى اللى فات ده عربى الله يخليك
ببساطة هي حالة الوعي أثناء النوم يعني جسمك بس بيكون نايم و يكون عقلك في حالة يقظة تامة
ايوه يعنى بيعملوا بيه اييييه؟؟؟

نظرياًممكن تعمل اي حاجة تخطر على بالك .. ولكن .. من غير ما تأثرعلى شىء فى البعد المادى ( الواقع يعنى)
(مثلاً عند خروجك من البعد المادى ودخولك فى البعد النجمى يمكنك السفر بين الكواكب والمجرات بسرعة تفوق سرعة الضوء )ممكن تعمل عالم خاص بك وعلى كيفك و تدخله .
.ممكن أنك تتحكم بأحلامك وتتحكم فى أحداثها ..
ممكن برضه تقابل ناس تانية بيعمبو اسقاط نجمى و تعمل شات معاهم .
. ممكن تطير لبلاد من غير ولا شنط ولا بسبور ولا طيارة خفيف خفيف يعنى.

ده الموضوع كبير بقى وعاوز قعدة
طب الواحد لما يعمل البتاع ده بيحس بايه بالظبط؟؟؟؟
اول حاجة حتحس ان جسمك كله فايبريشن حتحس باهتزازات ذات طاقة عالية
بالإضافة إلى الشعور بالشلل أثناء انفصال الجسم الأثيري عن الجسد المادي.
زى شكة الدبوس مش كدة؟؟
طب واحد حيقوللى بس كدة طب سهلة



حارد اقوله اه و شويه حجات عبيطة يا راجل يعنى حتشوف و تسمع حاجات من النوع المرعب وسماع سرعة نبض القلب حتزيد
لس احب اطمنك اخى المواطن الموضوع ده مش دايم يعنى اول 17 مرة كدة لحد ما جسمك ينحس
و بعدين الحاجات دى اصلا خيالات لان انت مش فى الواقع يعنى خلى بالك اى حاجة حتتخيلها حتتحقق
و انت و نصيبك اللى حيتخيل هيفاء حتجيله هيفاء و اللى حيتخيل جورج بوش حيجيله جورج بوش

طب دلوقتى انا بعمل اسقاط نجمى و عاوز ازور عمتى و عمتى دقه قديمة متعرفش غير اسقاط الزبالة من البلكونة
ينفع ازورها؟؟
ينفع يا خويا و ماله مش عيب مينفعش ليه؟؟؟


بس لازم تبقى عمتك نايمة عشان تشوفك و لازم تكون بتحلم كمان بس بالنسبة لشكلك حيبقى طيف
و عمتك حتصبح تقولك اسكت يا ولا مش انا شفت طيفك فى المنام؟؟؟
و اوعلا تفكر تبص لنفسك و انت فى الحاله دى لان عقلك الباطن حيصورلك حجات مش ولا بد و فى الاخر تلاقى مناخيرك بقت خرم واحد ايدك بتختفى رجلك بقت حبل غسيل



طب قشطة انا عاوز اعمل الموضوع ده اعمله ازاى؟؟؟؟

المكان
لازم المكان يكون هادى جدا مش عاوزين ازعاج اه
طبعا فى البيت لو قلتلهم انا مش عاوز نفس عشان انا بعمل ايقاط نجمى طبعا البديهى و المتوقع انهم حيقولولك جتك خيبه غليك و على نجمك انت ناقص اسقاط مانت ساقط ماشاء الله فى كل حاجة سيبك منهم
شغل الراديو أو التلفزيون وأضبطه على موجة مشوشة بحيث تسمع وشوشة فقط واضبط مستوى الصوت بحيث انه ميكونش عالى كفايه يغطى على الاصوات الخفيفة اللى برة بتاع الانابيب و الروبابيكبا و الطماطم و زعيق اليت الوالدة لاختك اللى طول النهار لا شغلة ولا مشغلة.
و حسك عينك تشغل موسيقى
و خلى بالك من درجة حرارة الاوضه لانك حتفقد بعض الحرارة و انت بتعمل التجربة
. و نور الاوضه يبقى ناعم وخافت مش ضلمة كحل

حتحتاج لكرسى مريح من ابو دراعات ومسند مريح للرقبة و يكون مايل لورا
عل ى فكرة على عكس المتوقع احتمال نجاح التجربة و انت قاعد اكنر من و انت نايم او مريح
..اوعى تنسى تحط مخدةتحت رجليك ..
(من الاخر كد ة انت محتاج كرسى الحلاق )



الحالة

لازم تكون تعبان شويه بس مش قوى . لأن التعب البسيط بيساعد على الاسترخاء أسهل وأسرع. يعنى ممكن تعمل شوية رياضه خفيفة

و.....
و.....
مش قادرة انطقها
و تستحمي
و بعدين تقعد على كرسى الحلاق
في الحالة دى جسمك بس حيكون تعبان أماعقلك حيكون مصحصح .
لو حسيت ان ريقك جرى ابلعه حتى أثناء خروجك من الجسد.
الخروج

لما ييجى الوقت اللى حددته لنفسك لممارسة التجربة ادى عقلك الباطن شوبة اوامر زى ( دلوقتى انا حعدى نفسى خالص ريلاكس سيكا ها و حاخرج من جسمى و اطفش خمسة كدة و راجع و افتكر البقين دول كويس) .
.اعمل بتمارين الاسترخاء و زيادة الطاقة لحد ماتحس انك همدان جسمك والحالة دى هي بداية ( حالة السمو ) ..
وقف تمارين الاسترخاء وزيادة الطاقة ركز على التنفس حيساعدك على طرد أي أفكار تحاول تخش دماغك.. و كل ما ذهنك خالى ممن الأفكار ( فلة يعنى ) كلما زاد احتمال نجاح التجربة .
حاتسمع صوت يشبه صوت النحلة (أزيز) جواك و حواليك .
. حيزيدلحد ما يتحول لاهتزازات قوية على حسب نشاط مركز الطاقة (Chakra) عندك .. إذا كان مركز الطاقة نشيط جداً يبقى الشعور حيكون ومرعب
حتحس بأن نبضات قلبك سريعة بشكل غير معقول و حاسس ان مبادئ ذبحة صدرية جايالك ..عادى ده مش فلبك ده مركز طاقة القلب بس بيستهبل .. ببساطة فعمل نفسك مش واخد بالك
الشعور ده حيوصل لذروته اول ما يبدأ جسمك النجمى بالاستجابة .. أنت دلوقتى تخرج من جسمك مع شعور بسيط بالسقوط تحس به في بطنك .. الاهتزازات التي كنت حاسس بي ها بتتحول لصوت يشبه صوت القطة لما تكون مرتاحة ( صوت يشبه الشخير إلى حد ما .). أنت الآن (تطفو) أمام أو فوق جسدك تفصل بينكما مسافة قصيرة ( بضعة أقدام ) .
. وقف جميع التمارين .. ركز .. وابق في وضع هادئ .
رائع ! سوف حتقول لنفسك : ( نعم .. عملتها عملتها هيه هيه .. و حاسس ان انا طاير طايرر زى الحمام) .
في المرة الأولى حدد وقت الخروج ببضع دقائق ( مهم جداً ) وأرجو أخذها بجدية .
تحرك في أنحاء الاوضه (ببطء)
يعنى مش اول ماتطلع تروح تزور عمتك ..
أنت ناسى ان معندكش رجلين يا حلو؟؟

و ما تحاولش تبص عليها و طبعا . قانون الجاذبية مش ح ينطبق دلوقتى فخد بالك .. بس حاول تتحرك في اوضتك بالتصوير البطئ متفكرشازاى تتحرك اتحرك و خلاص .

حافظ على السيطرة على عقلك .. لا تتحمس قوى و لا تتوقع أنك تشوف حاجة مكانتش فى الاوضه اصلا .. ده أمر مهم عشان ماتفعش في تأثير ( أليس في بلاد العجائب ) .. ولو تعرضت لده يا حلو مش حتفتكر اى حاجة.
اتعلم تزحف قبل ما تتعلم تطير

الرجوع


سهلة .. ببساطة اتحرك إلى جسمك و انت ترجع بس قوم فورا وسجل تجربتك فى دفتر أو ورقة حتحتاج الكلمات الأساسية بس .

نفس الواحد بتاع كل مرة حيسالنى هو فيه اعراض جانبية؟؟؟
يعنى ممكن اجنن؟؟؟
هو انت لو عملت كدة تبقى عاقل؟؟؟
عامة لا يا سيدى مش حيحصلك اكتر من اللى حصلك.
طب ايه الشروط اللازمة لنجاح تجربة الخروج من الجسد ؟
ثلاث شروط أساسية ومهمة عشان تكون التجربة ناجحة وهى :
- القدرة على الاسترخاء 100% والبقاء فى وضع الوعى .
- أنك يكون قادر على تحريك نقطة الوعي إلى خارج الجسم .
- لازم يكون عندك طاقة ذهنية كافية عشان تقدر تتحكم فى الرحلةالنجمية وبأحداثها .
طب ايه هي الأبعاد للى ممكن ادخلها لما اخرج من جسمى؟؟
البعد المادي ( Physical Dimension)

تقدر تشوف العالم زى ما هو وبأحداثه في نفس الوقت.

مثلا ممكن قوى تتمشر برة البين و تشوف الست ام علاء جارتكم و هى بتنم على ام حفيظة اللى فى وشها
و ممكن تشوف الواد على و هو بيشرب سجاير فى الحمام
بعدها ممكن تخطف رجلك كدة سريع سريع لحد القمر تتملى فى جماله و ترجع على طول و تخيل بقى شكل ام علاء لما تقولها كانت بتقول ايه ولا الواد على حيطلع اشاعة انك مخاوى جن



البعد الآخر هو البعد النجمي ( Astral Dimension )
اللى بعد البعد المادي على طول . ده بيلقط أفكار وأحلام وذكريات وتقليعات كل كائن حي على وجه الأرض ويحولها إلى حقائق وكائنات
. انت و ظروفك بعنى و ابداعك الشخصى ل لفهمه إلا بتجربته. هذا البعد وبيختلف عن البعد المادي بأن الوقت فيه يمكن التحكم فيه.
فمثلا خمس دقائق في العالم المادي ممكن يبقو 5 ساعات في البعد النجمي.




فروع الاسقاط النجمى



- تجربة الخروج من الجسد (Out of Body Experiences)
- الأحلام الواضحة أو الجلية (Lucid Dreaming )

- التخاطر (Telepathy )
- المشاهدة عن بعد (Remote Viewing)
هو اى حد ممكن يعمل الإسقاط النجمي؟
نظريا اه لس المدة مختلفة على حسب قدرات كل شخص
فايدة الموضوع ده ايه؟؟

فيه ناس بتستخدمة ترويش و ناس تانية للعلاج النفسى عن طريق الاحلام الجلية



طب واحد حيقوللى معلش انا مفهمتش حاجة من الدش ده كله و عاوز كتب
اقوله ماشى يا عم


كتاب :
"Astral Dynamics: A New Approach to Out-of-Body Experiences "
للكاتب Robert Bruce

احسن عشان تبقى تقول مفهمتش كويس


انا عاوز ردووووووووود من كل عضو يشوف الموضوع
عشان اعرف رأيه ايه بلييييييييز
من مواضيع : amdian اندر المقتنيات فى العالم موضوع جااااامد
صور خاصة بالجنس الناعم ال جنس ناعم ال
مطعم جدرانه عبارة عن نقود اتفرج من غير متمد ايدك
شوفوا النظرات المتوحشة
رحلة بالصور لجزيرة العجائب أو السلام ..شاهد ما لم تشاهدة من قبل
17-11-2008, 01:38 AM
همسة&
 
ده الموضوع كبير بقى وعاوز قعدة ... صحيح موضوع كبير جدا ... ولسة بكرة ها نسمع ونشوف ....شكرا على الموضوع وخلى القعدة للموضوع اللى جاى ههههههه thank u
من مواضيع : همسة&
17-11-2008, 01:41 AM
amdian
 
تسلمولى يارب وياريت لو حد فيكوا شاف الاخت ذبده وهوا خارج يبقى يندهلها عشان تيجى هية كمان تشوف الموضوع ده
بجد نورتوا موضوعى
من مواضيع : amdian هل تشكو من مهنتك؟؟؟؟؟؟ أدخل و شوف أصصصصصعب و أخطر مهنة في العالم
فتاة عمرها 10سنوات تطرح رئيس دولة كبرى((روسيا)) أرضاً ـ صور!!!!!!!!!!!!!
آخر الصيحات في عالم الماوس ...
## صور نادرة وحصرية لمرحلة بناء برج ايفل ##
صور الشجرة العجيبة ادخل وشوف بنفسك
17-11-2008, 01:24 PM
دلع1986
 
موضوعك جمييييييييييييييييييل جدا

بجد حاجه كده وكأنها بالخيال

اكيييد حيكون شعور الانسان حلو وهو طاير وبرفرف بين النجوم
ياااااااااااااااااااااه انا بتخيل المنظر والشعور

واااااااااااااااااااااااا اااااااو

يسلمووووو امادو موضوعك كده
مشكووووووووووووووووور
من مواضيع : دلع1986 قصور وسط البحار........
علوم التلطيش.....ادخل واستفيد
معلومات جديده...ادخل وشوف بسرعه....
صابون اخر زمن .....
احذيه الدمار الشامل تهدد امريكا
17-11-2008, 05:19 PM
SOME_ONE_ELSE
 
ماشى يا سيدى
ده اللى يعتقد انو فيه حاجه زى دى يبقى فعلا محتاج يروح المنتدى الادبى
هيودوه المكان اللى عوزه و يفسحوه كمان
انت ايه اللى بتقوله ده ده انا اسهلى اخد العفريت بتاعى و نروح سنيما
حتى الواحد يفوق مش تقولى علاء و امو
ههههههههههههههههههه
يعنى انت حالتك صعبه اوى كده؟
ربنا معاك يا رب
الف سلامه
تقبل سلامى و باقه ورد معطره
من مواضيع : SOME_ONE_ELSE
17-11-2008, 05:39 PM
لارا هانم
 
حلووووووووووووو
بجد الواحد احيانا بكون نفسه يهرب من حاله لدنيا تااااااااانيه خالص
مرسييييييييييييي كتير
من مواضيع : لارا هانم الله يسامحك!
تخيل بنت تتصل عليك وتقوللك ممكن تعطيني قبله؟؟
انين لم يسمعه العالم
سافروا ولا لأ؟؟؟
الصوره التي شل الله يد صاحبها بعد ثلاث ثواني
18-11-2008, 11:09 PM
whatsnew
 
اماندوم انت جربت
او فى حد هنا جرب
يا ريت يقولى على احساسه
وانا عن نفسى هجرب
وهقول برضو على احساسى
وميرسى اماندوم على الموضوع
ولك منى سلام وتحيه
من مواضيع : whatsnew اللهم ابعدهم عن المرآة
20-11-2008, 01:39 PM
ذبده
 
امادوا انت فين ليه مش بتدخل وترد وتعمل مواضيع تانى
على العموم انا حغيب يومين كده من المنتدى وارجع
تاااااااانى يوم السبت وناتقى فى منافسه اخرى
من مواضيع : ذبده ههههههههههههه موضوع مضحك
كيف تكونين الأجمل فى عين زوجك
لو انت ذكى تعاااااااااااااالى .............
اوض نوووووووووووم اخر زمن
اخر حاجه ممكن تتصورها............
20-11-2008, 05:29 PM
amdian
 
اقتباس:
المشاركة الأصلية كتبت بواسطة ذبده
امادوا انت فين ليه مش بتدخل وترد وتعمل مواضيع تانى
على العموم انا حغيب يومين كده من المنتدى وارجع
تاااااااانى يوم السبت وناتقى فى منافسه اخرى

انا موجود اهو بس كان عندى شوية ظروف والحمد لله عدت
وبتمنى من ربنا ان سبب غيابك يكون خير يارب وتبقى طمنينى عليكى ضرورى
والله المنتدى ضلمة من غيرك انا مش عارف هعمل ايه من غيرك
وتسلميلى يا عمرى على سؤالك عنى وربنا يطمنى عليكى
من مواضيع : amdian أجمل طفلة في العالم .. عربية مسلمه بالله عليكم شاهدوها
النهاردة معاية صور جزيرة بورابورا رائعة الجمال بجد اوع تفوتك الصور
6 بنات للزواج الحق الحق !!
طفلان دخلا القبر انظرو ماذا وجدا؟؟؟؟
## صور نادرة وحصرية لمرحلة بناء برج ايفل ##
22-11-2008, 03:37 PM
ذبده
 
انا جيت حمد الله على سلامتك انت يا امادو
الحمد لله خير مفيش
انت عامل ايه اه وانا رديت على موضوع الاسقاط النجمى شفته
يا لا نشوفك على خير
من مواضيع : ذبده كل هذا يحدث بالمنتدى مش معقول..................؟
اشكال موبايلات جديده.............
كيف تتعلم الانجليزيه
بص وشوف قرف قصات شعر غريبه للشباب ....ياااااااااااى
ههههههههههههه موضوع مضحك
22-11-2008, 06:02 PM
amdian
 
الف مليون حمدلله على السلامة
انتى كده نورتى المنتدى من تانى
والله كان ليكى وحشة تسلميلى يا قمر على مرورك
وكل سنة وانتى طيبة
من مواضيع : amdian احنا بنرمى المعلبات الفارغة......بس شوفوا الناس ديه بتعمل ايه ؟
شوفوا النظرات المتوحشة
مش هقول اعلى ناطحة سحاب هقول اعلى ناطحة مجرات برج العرب الجديد بدبى
اتحداكم تجلسوا والي يجلس له مني بوسه
صوره بشعه لتصفية حسابات بين عصابات
 

الكلمات الدلالية (Tags)
..........., مميز, موضوع, الاسقاط, النيمى, يفهمه, وسحق

أدوات الموضوع

الانتقال السريع

المواضيع المتشابهه
قائمة بالمواضيع التي لا يجوز نشرها

الاسقاط النجمى ........... موضوع مميز جدا وشيق جدا جدا بس للى يفهمه صح

الساعة الآن 03:41 AM.