xpredo script

العودة   نيو حب > المنتديات العامة > الحوار المفتوح
التسجيل

لو كنت «رئيس جمهورية».. كنت هاعمل حاجات كتيرة

الحوار المفتوح

20-11-2008, 12:58 PM
بحبك يا غايب
 
Icon15 لو كنت «رئيس جمهورية» كنت هاعمل حاجات كتيرة

لو كنت «رئيس جمهورية».. كنت هاعمل حاجات كتيرة



ماذا يحدث لو حكم مصر مجموعة من الأطفال؟ وما القرارات التى سيبادرون بتطبيقها بمجرد وصولهم إلى الحكم؟.. تخيل لو أصبح رئيس جمهورية مصر العربية طفلاً فى الثامنة أو العاشرة أو حتى الرابعة عشرة من عمره.. سؤال طرحته «المصرى اليوم» على مجموعة من الأطفال، بمناسبة عيد ميلادهم. «ماذا تفعل لو كنت رئيس جمهورية مصر العربية؟»، فكانت الإجابات مفاجأة.

قالت أسماء إيهاب (٩ سنوات): أول حاجة هاعملها لما أبقى رئيسة جمهورية أخلى كل المناهج الدراسية على «لاب توب»، وأوزعها على كل طلاب المدارس بدل لما يشيلوا الشنط وتوجع ضهرهم، وكمان هاسجن كل الناس الوحشة اللى بتضرب الحيوانات فى الشارع، وأبنى بيوت كبيرة وحلوة للناس اللى قاعدة فى الشارع، والمدرس اللى بيهين الطلاب هارفده على طول من المدرسة، وهاغيّر لون «لبس» المدرسة من النبيتى للبرتقالى.

وقالت نورهان حسام (١١ سنة): «هابنى مستشفيات ومدارس ومساجد وبيوت للناس اللى ساكنة فى الشارع، واعطف على الفقراء والمساكين واتبرع للمساجد والأيتام، وأخلى فى واجبات ودروس ومجاميع فى المدارس ما عدا الغش والضرب، ولو أى مدرس «مفترى» ضرب طالب هادخله السجن، وأخصص أماكن كبيرة قوى وأجمع فيها كل الناس اللى مش لاقية شغل علشان تشتغل».

وكان محمد شرف (١٤ سنة) أكثر حدة حيث قال: «هافصل وزير التربية والتعليم، وهاختار وزراء صالحين مش حرامية تسرق البلد، وأحارب الفساد عن طريق حكومة تقدر تحمى البلد، وأستصلح الصحارى وأبنى مستشفيات على أعلى مستوى علشان الفقراء يقدروا يتعالجوا».

بينما كانت إسراء محمد (١٠ سنوات) أكثر رفاهية حيث قالت: «هاعمل حدائق كبيرة جداً علشان الأطفال تتفسح فيها، وابنى نادى لكل الناس اللى مش قادرين يشتركوا فى نوادى، وابنى مستشفى كبيرة للأطفال، وهاجدد المدارس وأبسط المناهج على الطلاب وألغى كل الامتحانات والطلبة كلهم ينجحوا».

وقالت رقية حسن (٩ سنوات): أدى لكل واحد حقه ومش هاظلم أى حد، وهاتبرع بالفلوس للأطفال اللى مش قادرة تدفع مصاريف المدرسة، وأزور المستشفيات وأتبرع للمرضى علشان يعملوا العمليات ويخفوا، وأى وزير يظلم الناس أو يعاملهم معاملة وحشة هافصله من الوزارة، وأبسط المناهج الدراسية حتى لطلاب الثانوية العامة لأنهم بياخدوا حاجات صعبة، وأنا عايزة الناس تتعلم مش تتعقد.

وفى السياق نفسه، قال محمد عبدالباسط (١٤ سنة): أبنى مستشفيات كبيرة للأطفال المعاقين، وهاعيّن فى الحكومة ناس أمينة مش حرامية، نفسى الناس كلها تعيش فى سلام، مش عايز الناس تصحى تلاقى حد بيقولها اطلعوا بره بلدكم.

وقالت فاطمة فتحى (١٢ سنة): هاحكم البلد بالعدل وهاخلى كل الناس أغنياء، وأبنى مستشفيات ومدارس كويسة، وأفصل وزير التربية والتعليم لأنه بيصعب المناهج على الطلاب، أحتفل بكل أعياد ميلاد الأطفال، وأنظم الانتخابات الرئاسية كل سنة، وأخلى كل الناس تترشح قدامى، مش اختار المرشحين اللى على مزاجى.

أما محمد عمر (١٤ سنة) فكان أكثر اقتصاراً، حيث قال: هاخفض مصاريف المدارس الخاصة، وانضف المدارس الحكومية وأخليها أحسن مدارس فى مصر، عايز الناس كلها تعيش فى سعادة وما تكونش حزينة، أخفض الأسعار على الشعب، يعنى أخلى كيلو العدس بـ٢ جنيه بدل عشرة، وكيلو اللحمة بـ٥ جنيه، يلاّ خلى الفقير ياكل.


موضوع جميل جداااااااا قريته فى المصرى اليوم
حبيت انقله ليكم
المصدر هنااااااااااااااااااااااا اااااااا
من مواضيع : بحبك يا غايب لو كنت «رئيس جمهورية».. كنت هاعمل حاجات كتيرة
ما المطلوب للرد على مجزرة غزة؟
المرأة المصرية والعمل السياسي ... ادخل وقول رائيك بصراحة
شعوب العالم تطالب بإنهاء عدوان الاحتلال على غزة .. يارب نعمل حاجه
20-11-2008, 01:31 PM
SOME_ONE_ELSE
 
احلامهم على قدهم
جميله و نضيفه و بريئه
بس فين الهدنه اللى خلصت و فين المد العونى للغريب
فين الكلام عن المقاطعه و الاستقرار
موضوع بجد جميل جدا
و انا لو عليا هدى صوتى لمحمد شرف
تقبل مرورى و سلامى
موضوع هايل
لك منى ارق تحيه
من مواضيع : SOME_ONE_ELSE رساله لكل ست و راجل
مهانه تترك اثر
نظره فى سن المراهقه
20-11-2008, 08:18 PM
بحبك يا غايب
 
اقتباس:
المشاركة الأصلية كتبت بواسطة SOME_ONE_ELSE
احلامهم على قدهم
جميله و نضيفه و بريئه
بس فين الهدنه اللى خلصت و فين المد العونى للغريب
فين الكلام عن المقاطعه و الاستقرار
موضوع بجد جميل جدا
و انا لو عليا هدى صوتى لمحمد شرف
تقبل مرورى و سلامى
موضوع هايل
لك منى ارق تحيه

شكرا على المرور
وتم التصويت لمحمد شرف
بس شكلك بتفهمى اهوو فى السياسية انا كنت مفكرك ......
من مواضيع : بحبك يا غايب ما المطلوب للرد على مجزرة غزة؟
لو كنت «رئيس جمهورية».. كنت هاعمل حاجات كتيرة
شعوب العالم تطالب بإنهاء عدوان الاحتلال على غزة .. يارب نعمل حاجه
المرأة المصرية والعمل السياسي ... ادخل وقول رائيك بصراحة
20-11-2008, 08:42 PM
qwert1234
 
الاخت الا فى الاول وصف احلامهم على قدهم بالعكس دة حلمنا كلنا
لو احنا عملنا كل الحاجات الا قالوها سوف نكون من احسن البلدان
يقاس التحضر بما قيل لكن ارى لايقوى على هذا لو مئات الوزراء والرؤساء
يحتاج حهد وعمل شاق مورث قديم من التخلف يحتاج نهضه علميه اولا
ويقاس تقدم الناس بالعلم تحياتى لك اخى على نقلك موضوع هام جدا
لنا تسلم يا غالى تحياتى
من مواضيع : qwert1234 (تعبير الرجال عن حبهم )
واحد شيشه وصلحه
لماذا يلجأ المهموم للبحـــر بدلا من البر..بينما..يلجأ العاشق للسماء
من يحب يتزوج يدخل
لماذا الصراحه تجرح؟موضوع للمناقشه
 

الكلمات الدلالية (Tags)
جمهورية».., حاجات, هاعمل, «رئيس, كثيرة

أدوات الموضوع

الانتقال السريع

لو كنت «رئيس جمهورية».. كنت هاعمل حاجات كتيرة

الساعة الآن 03:33 AM.