xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

الحب هو الحل 25( الحب الصادق والحمل الكاذب )

المنتدى الادبى

11-12-2008, 03:14 PM
مسعين بالله
 
الحب هو الحل 25 الحب الصادق والحمل الكاذب

بسم الله الرحمن الرحيم
يا ايها الذين امنو من يرتد منكم عن دينه فسوف ياتي الله بقوم يحبهم ويحبونه ........ ذلك فضل الله يؤتيه من يشاء والله واسع عليم
(4 5/5)
الايه الكريمه دي من سورة المائده وبتتكلم اصلا عن الموالاه .. والمولاه وحب الله من اساسيات الاسلام .. وعدم موالاه الله وعدم حبه ارتداد عن الاسلام ....... شوفتوا القران الكريم ازاي ربط بين الارتداد عن الدين والحب ..يعني علاقه عكسيه بين الرده وبين الموالاه .. اللي مبيحبش ( ربنا واحباؤه ) مرتد عن الدين.. واللي بيحبه وبيحب اولياؤه يبقي ذو دين وخلق ..وهو ده فضل الله
الله .. حلوين ..
احنا هنقتبس من القران المعني ده .. ماهو القران مليان حب .. والنبي الكريم كان مليان بالحب .. ومره قبل النبي ( باس ) حفيده الحسين امام اعرابي .. وكان العرب يفتخرون بالفظاظه والقسوه ( مهما كانوا من الداخل عاطفيين ) .. فقال الاعرابي ان لي كذا ( رقم كبير ) من الاولاد ما قبلت احدا منهم .. ( يعني عيب عليك يا راجل .. وانت كباره يهز عواطفك طفل.. خلينا في الامورالكبيره احسن ) .. فقال له النبي الكريم .. أوأملك لك ان نزع الله الرحمة من قلبك ..
الله علي نبي الرحمه ..
والمعني اللي انا هقتبسه من القران مربوط بالعنوان برباط وثيق .. لان الحب الصادق نحمله في صدورنا لا نفرط به .. وعكسه ارتدادا عن الحب .. واي ارتداد .. لان الحب نفسه (ارتداد ) عما سوي الحب .. او ممكن تقول انقلاب لانه بيقلب كيان الانسان..
و المراه بعد الحب(بالزواج يعني ).. تحمل في بطنها حب مضاعف .. حب علي حب .. حب الحبيب ( الساكن في القلب ) وحب المولود ( الساكن في البطن )الذي هو (دلتا حبيب بلغة ) الرياضه ..
الحب يا جماعه بناء .. وعكس الحب هدم .. وربنا قال في القران علي الحكايه دي .. استعاره (بناتي برده ) .. لما قال علي معني مشابه سبحانه .. (ولا تكونوا كالتي نقضت غزلها من بعد قوة انكاثا ان تكون امة هي اربي من امة) 92/ 16
والايه دي في سورة النحل ..وسورة النحل معروفه بانها سوره النعم .. والنعم تستلزم الشكر ..والشكر يستلزم الحب .. والغزل ( بتسكين الغين والزاي ) حب لان البنت بتبث حبها بين يديها في الغزل .. فهو حاجه حريمي كمان ..( برغم اني كنت بعمل كنفا وتريكو وحجات من دي كتير) .. لكن احنا بنتكلم علي القاعده ( ملناش دعوه بالاستثناء ).. وكمان غزل الصوف مثلا فيه شبه من غزل البنات ( بفتح الزاي وفتح العين علشان تبقي مفنجله وتشوف المحبوب كويس ) .. ربنا جاب المثل ده من بين ملايين الكلمات .. غزل .. ونقض الغزل ..علشان يبين ان ده عكس ده .. انا مبشرحش معني الايه .. انا بقتبس منها وبس .. الحب عكسه نقض الحب .. ومدام قصدك شريف .. يبقي يا تحب يا(تترك الحب ) .. وسيبك من ( القب ) والقبقاب من القب .. لانه عكس الحب لما الحبيب يغضب عليك يبقي نصيبك قبقاب.. و هتنضرب بالقبقاب .. وشجرة الدر .. ضربت محبوبها بالقبقاب .. وموتته لانه ده عكس الحب .. الحب حياه وعكسه موت ( موت القلب ).. احنا منقدرش نعيش من غير حب .. احنا نموت علي طول .. بس هل الموت رد فعل عن عدم الحب .. لا طبعا امال ايه اللي حصل .. اللي حصل ان فيه انسان لا بيحب ولا حاجه .. لكن بيحب نفسه .. بيحب المال ..بيحب السلطه ..بيحب العلم .. بيحب الغرور.. حاجه ملهاش دعوه بالمحبوب وبطيفه وخياله وطلعته البهيه وخفة دمه وكلامه وسكوته وضحكته وبسمته واحاسيسه ومشاعره وقوامه ورشاقته ونسيمه وعليله ومشيته وروعته ودلاله وملابسه والوانه وريحته وقلبه وكل حته منه وووووووووو .. مع ان اللي قبل اللي فات مطلوب برده
( مال شهره الخ ) بس دي عوامل مساعده لاتمام التفاعل بين الكبريت والميه علي نار الحب العاليه علشان نجيب حمض الكبريتيك اللي بيلسوع
( مية النار ) ..
الحب طبعا لما كان لحاجه تانيه غير قلب المحبوب منقدرش نسميه حب .. ومع اول اختبار طار الحب واتحرق وبقي بخار واكاسيد ملهاش لازمه غير انها تلوث الغلاف الجوي لمدينة القاهره .. ولذلك بقي .. الموضوع ده كتر .. ومدينه القاهره بقت من اكثر مدن العالم تلوثا .. وفضلت بقي الحجات اللي كنت مخطط لها ( المال والشهره والمنصب ).. واصبح مفيش حب ولا حاجه وظهرت القباقيب علي حقيقتها .. ظهر الغرض الحقيقي .. ومات الحب اللي هوا مكانش حب ولا حاجه .. عشان كده بقول ممنوع حد يبكي علي حب فات .. لسببين .. الاول لانه ربنا هو اللي بيوفق القلوب وهو اللي بيفرقها من تاني .. فده موضوع ايمان .. يعني لو لاحظت اني متماسك برغم انهيار الحب فان تماسكي وعدم انهياري لما الحب ضاع مش معناه اني قاسي القلب ومش حساس ولكن معناه اني مؤمن بالله وعلي يقين .. ثانيا وده الاهم من وجهة النظر العاطفيه البحته .. ان ده مكانش حب ولا حاجه .. لان اللي بيحب ميكرهش ولا يخالف .. يكره ايه ويخالف ايه .. دا يبوس التراب الذي يسير عليه المحبوب ويتمني لحظة رضا ولحظه وصال .. ان المحب لمن يحب مطيع .. ومرور قيس علي الديار يقبل ذا الجدار وذا الجدار خير دليل .. لانه مبيحبش الجدار ولكن يعشق من سكن الديار .. يعني الحب الصادق يا جماعه حياه وعكسه موت ( مش قتل معاذ الله).. لكن فيه حل وسط انك تعيش من غير حب بس من غير كره برضه .. وده اللي مبيحصلش ابدا.. يعني لو محبتش يبقي مش لازم تكره .. نفسي في واحد يفوته الحب فلا يكره .. وميقلبش الدنيا سواد .. يكفيه ان يكون حزنه في قلبه .. لكن البكاء المعتدل مطلوب .. والرثاء المتزن جائز .. لانه مدام مكانش حب .. يبقي ميستهلش زعل .. لان ده عامل زي الحمل الكاذب
والحمل الكاذب ظاهره حقيقيه .. وجدت بعد لقاء حبيبين ( متزوجين ).. ولكن لم ينجبا .. وفجاه ظهرت بوادر الحمل واعراض الحمل .. مع ان مفيش اي حمل ولا حاجه ده وهم .. وده بياكد كلامي ان الحمل الصادق عكسه عدم الحمل .. لكن الحمل الكاذب مش عكس الحمل ولا حاجه.. دا وهم .. وكذلك الحب اللي حيرك وراح مكانش حب دا وهم زي الحمل الكاذب وليس مثل المراه (اللي بتسقط )او يموت وليدها .. عاوزين نفرق بين الحب الصادق والحب الكاذب.. وكذلك بين عدم الحب والكره .. ربنا ما يجيب كره ابدا .. لكن هناك حب .. وهناك عدم حب .. (ايه اللي جابك يا واد يا كره هنا انت دخلت ازاي)
نفسنا نحب حب حقيقي مش حب كاذب .. لان الحب الكاذب حمل كاذب .. يعني وهم
مش كده ولا ايه

سفير الحب
فؤاد ( حازم )المهندس


من مواضيع : مسعين بالله الحب هو الحل (صفر )
الحب هو الحل 7 ( حب ياباني تاني )
الحب هو الحل 28( الحسنه والسيئه في الحب)
حبيبي يا ساكن في قلبي
وجدان
17-12-2008, 10:29 PM
مسعين بالله
 
ما يلفظ من قول الا لديه رقيب عتيد
من مواضيع : مسعين بالله دماء وماء
علاقة الادب بالحب
جماعة الحب 1
الحب هو الحل 23( الحب والمعرفة )
متي الشروق
 

الكلمات الدلالية (Tags)
الحل, الحب, الصادق, الكاذب, والحمل

أدوات الموضوع

الانتقال السريع

المواضيع المتشابهه
خواطر الحب الصادق للعشاق فقط
شباب الإسلام : أنتم أمل أمتكم الأليمة .. أنتم وعدها الصادق

الحب هو الحل 25( الحب الصادق والحمل الكاذب )

الساعة الآن 03:04 AM.