xpredo script

العودة   نيو حب > المنتديات العامة > طريق الاسلام
التسجيل

برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى

طريق الاسلام

21-12-2008, 05:59 PM
المحبة في الله
 
06 برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى

برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى

لتحميل الحلقة الأولي : مقدمة برنامج خدعوك فقالوا


المعتقدات الخاطئة في مجتمعنا
تفريغ الحلقة الأولي




الحمدلله رب العالمين والصلاة والسلام علي رسول الله وعلي اله وصحبه وسلم
رب اشرح لي صدري ويسر لي امري واحلل عقدة من لساني يفقه قولي اهلا بكم وببرنامجنا الجديد خدعوك فقالو!

انا الصراحه عايز قبل ما ابدأ اشرح فكرة خدعوك فقالو …عايز افضفض معاكو دقيقتين ثلاثة.....بشيء حاسس بيه من ساعة ماحطيت أول قلم في تحضير خدعوك فقالو من ساعة ماعرفت ان هقابل اصحابنا واخوانا ساعة كاملة علي الهوا وانا مش قادر امسك نفسي عايز اقول الحمدلله رب العالمين عايز الاول اقول ان النبي صلي الله عليه وسلم ربنا وصاه وبيوصي المسلمين كلهم "فأما بنعمة ربك فحدث" فسيبوني الاول اتحدث عن نعمة ربنا عليا بيني وبينكم .

وانا جاي النهارده كنت بافتكر اول مره دخلت فيها استوديو اقرا وانا جاي اعمل اختبار علشان ينتقو منا حد يقدم برنامج اقرا عمال اتخيل اد ايه كنت خايف وكان نفسي صوتي يوصل للناس والدعوة الي الله توصل عن طريق هذا اللسان وهذا كرم من الله وكأن النهارده أول يوم فأقول لربنا اللهم لك الحمد والشكر واشكر النبي صلي الله عليه وسلم لولاه ماكنش حد في الدنيا قدر يوصل اي خير لاي حد" فاللهم صلي وسلم وبارك علي نبينا محمد وعلي اله وصحبه وسلم " ونشكرك يارسول الله جزاك الله خيرا علي ماجزيت به امتك واشكر قناة اقرا لدعمها .

اهلا بيكم ببرنامجنا الجديد خدعوك فقالوا:
ايه خدعوك فقالو؟ واشمعنا طالعين معاكو علي الهوا ؟ وايه الفكره دي؟ والاسم دا ايه؟
شوفوا ياجماعه صلوا بينا علي النبي عليه الصلاة والسلام "اللهم صلي وسلم وبارك علي سيدنا محمد وعلي آله وصحبه وسلم " احنا شوفنا يا جماعة ان القنوات الفضائية الاسلاميه كتيييييييير وان الفضل لله ان كل الدعاه والشيوخ كنا منحلمش اننا نشوفهم اصبحو بفضل الله قدام عنينا ونقدر نشوفهم كل يوم وفي ماده رائعة دينية تبث 24 ساعة قرآن وحديث وذكر كل حاجه انت ممكن تطلبها تلاقيها ولكن لاقينا ان الطفرة والصحوة الموجوده دلوقتي مش علي اد الطفرة الدينية الاعلامية وحسينا ان الفترة اللي فاتت حصل نوع من التشبع ان اصبح معلومات كتير من الناس عارفها لكن بعضنا مش بيطبقها!!!!
ففكرنا مع بعض فلقينا اننا بنسمع معلومات دينيه جيدة:
قران وحديث كلام يهد جبال جميل جدا واحنا بنسمع دا بتصتدم عندنا بعض المفاهيم اللي ورثناها واللي اتربينا عليها او من وسط علاقتنا بالناس.
المفاهيم دي في جزء كبير منها غلط فالمعلومات الدينية يحصل لها حاجه من اتنين :
اما بسبب اني عند مفهوم عكس المعلومة دي مع ان المعلومة دي الله هو اللي قالهالنا والنبي صلي الله عليه وسلم اللي علمهالنا بس انا اتربيت ونشأت علي مفهوم عكس دا عكس ان الواحد يعيش طيب مع الناس.......................
لأن الطيب مع الناس بيتاكل في الزمن دا!!!!!!!
تنزلي ايه او حديث وانا مش عايز اطابقها بسبب ان انا ترسخ عندي مفهوم غلط !!!!

او تيجي الايه او الحديث ويبدأ يستقبلها الواحد مننا وهو عنده مفهوم غلط عكس الايه دي او الحديث دا فيبدأ يقول لا دا كلام ربنا سبحانه وتعالي ماينفعش ماطبقوش او ماطبقش كلام نبينا صلي الله عليه وسلم
فيبدأ يحاول يجاهد نفسه بس مش بيغير المفهوم اللي جواه!
مش بيغير الاشياء الخطأ اللي جواه!
فيبدا ينفذ شويه كلام ربنا ويصطدم بواقع هو مفهومه عنه غلط فيبدأ يحصل له نوع من التراجع
كلام ربنا ماينفعش في الزمن ده !!!والزمن دا ماينفعش فيه كلام النبي الكلام دا ايام النبي أو الصحابه دلوقتي ماينفعش !!!
المشكله مش ان المعلومات مش مؤثرة !!!
المشكله : اننا عندنا حاجه في تربية القلب اسمها<<< التخلية قبل التحلية <<<
ان الواحد عشان يصب مياة جميلة عذبة في كوب فيه شوية تراب من تحت الماء هيتعكر فيطلع شكل كوب الماء مش حلو .

ممكن تلاقي نموذج لمتدين هو بيحب ربنا عز وجل لكن اخلاقة سيئة!!
لأنه حاسس انه مش هينفع يعيش في الزمن دا بأخلاق النبي صلي الله عليه وسلم.
وممكن تلاقي واحد هو بيدعي انه بيحب الله عز وجل بس بصراحه مش واثق في الله عز وجل !!!
يقول بصراحه انا جربت مره اتقي الله عز وجل ولم يجعل لي مخرجا وكنت متوقع ان ربنا يقف جانبي اكتر من كدة !!! وده كلام هنسمعه في تقرير خدناه من الشارع
كنت متوقع ان ربنا يساعدني !!!
عشان كده خد بالك احنا محتاجين مش بس نقول معلومات دينية محتاجين نخش جوه قلوبنا ونقول:
خدو بالكم ان في حجات اتربينا عليها ممكن تبقي غلط او ورثناها من اجيال ممكن تبقي غلط او شوفناه في المجتمع وابتدأنا نكتسبها ممكن تبقي غلط!!!
عشان كده لما بنسمع المبشرات الجميله بان الله هينصر المسلمين ويعز الاسلام ونفاجيء بشيء ونصطدم بواقع واحداث تمر بأمة النبي.
ويمكن احنا الايام دي في احداث صعبة اوي في فلسطين وفي بلاد كتيره نفاجا بانه ايوه ربنا هينصرنا انشاء الله ولكن نصر ربنا سبحانه وتعالي دا مش شايفينه ليه !!!
فيبدأ يحصله زي وسوسة من الشيطان ان الامه ماتت ليس بها امل فيبدا يحس ان المبشرات دي مش هتحصل فيبدأ مش واثق في وعد ربنا عز وجل!!! ويبدا يبقي مهزوم ويبدأ يفقد الثقة في امة النبي وفي كلام النبي!!! ويتأثر بالغرب اكتر ويحب عيشة الغرب !!!
او يسمع كلام حلو عن الصحابة او الصالحين اللي غيرو نفسهم وقدرو يغيرو حاجه في الكون فتيجي المعلومات الحلوة المحفزة اوي دي فتقوم واقفه ادام سور هو بناه حوالين نفسه اسمه سور هو انا اللي هغير الكون !
مافيش مني امل <<<انا انسان ضايع في الدنيا دي <<<< فيحصله انبهار بالقصص وبعدين القصة دي تتحطم بفكرة انا نفسي فاشل !! ان انا نفسي مش هاقدر اعمل حاجه
كتير اوي من بناتنا يسمعو قصص عن الحياء ويسمعو قصص ان البنت مش مفروض الولد يلمسها ومش مفروض البنت تصاحب ويبقي ليها علاقة قبل الجواز وتبقي هي نفسها تبقي كده لان فطرتها حلوة اوي وهي كده لكن لما تتصدم بصحابتها وهم بيقولولها الحقيلك واحد !!!
الحقيلك عريس!!!
الحقيلك عريس في الكليه عشان لو مالحقتيش تصاحبي في الكلية هتطلعي ومش هتتجوزي !!!
فيبقي فيه مفاهيم حلوة اوي اوي اوي كان ممكن تبقي جوانا لكن للاسف الشديد الفطرة دي اتغيرت عن طريق كلام الناس اللي يخالف الحق.
او للاسف الشديد اتغيرت: عن طريق مفاهيم اتربينا عليها او ورثناها قبل كده
فيجي القران الجميل والحديث الجميل تتهدم ادام المفاهيم اللي ادامنا

كفاية يا جماعة!!!!!!!!!!!!!!!!!!!!!!!!

للأسف حتي في علاقتنا لله سبحانه وتعالي
كثير من الاوقات الواحد يبقي مش فاهم طريق ربنا عز وجل وعنده مفهوم جواه المفهوم ده بيقول ان ربنا غفور رحيم بس انا كل ماعصي وارجع اتوب اعصي واتوب هو ربنا مش عايزني ولا ايه!!! ويبدأ بسبب ان هو مش فاهم!
يسمع ايات التوبه ويحس ان ربنا مش بيكلمه مع ان الكلام ده
ليك انت بل الكلام لواحد اشد منك معصية لله عز وجل لكن بسبب انه عنده مفهوم جواه غلط للأسف الشديد يجي الايه والحديث لا يؤثر فيه !!!!
عشان كده كفاية سماع للدين من غير مااحنا نصلح مفاهمينا كفايه سماع لايات الاخلاق واحاديث الاخلاق وبعدين مايبقاش عندي حافز اني اعامل الناس بيها لأني اتعلمت خير تعمل شر تلقي!!!
واتق شر من احسنت اليه !!!!
انا بصراحه ماعنديش طاقه ولا عندي محفزاني اعامل الناس معاملة كويسه!!! لأني بصراحه كده عندي سوء ظن للناس من الاول وخايف اكون كويس وسطهم لاحسن اخد علي دماغي كل دي مفاهيم غلط!!!!!!!!!!!!!!!!
احنا محتاجين نتكلم فيها .....آن الاوان اننا نخش جو قلوبنا ونقول اوع تنخدع

خدعوك فقالوا!!!

ونتكلم عن مفاهيم كتير اللي في مجتمعنا غلط ونقعد نقول هي غلط ليه؟
وايه سبب وجودها في الدنيا؟ وايه الصور اللي خلتنا نقتنع بالمفاهيم دي؟وايه الصور اللي عكسها؟ اللي بتقول لا والله في مفاهيم مفروض تتشال وتتحط مفاهيم تانيه
الله الخلق والنبي اللي عارف بحالنا اكتر مننا بيقولنا عيش بالطريقه دي عيش بالاسلام بالطريقه دي آن الاوان اننا واحنا ماشين في طريق ربنا نعرف طبيعة الطريق مانبقاش ماشين في طريق مش عارفين علامات.
كثير مننا مش عارف ايه حكمة ربنا من البلاء؟
وهل ربنا بيكرهني لما ياخد مني حاجه انا بحبها وهل لو ربنا عز وجل اخر استجابة دعاء معين هل انا انسان لا استحق الاجابه ؟ ولا ربنا بيخلف وعده !!!
الكلام ده هتسمعو وهتشوف تقرير انشاء الله في اخر الحلقة هتسمع كلام انت ماتتوقعش انه في مجتمعنا بس هو في مجتمعنا يا جماعه
هو مش ربنا وعد!!!
هو مش فاهم ان ربنا لما يأخر استجابة الدعاء دا معناها ايه ومش فاهم العلامه ؟
لما ربنا يقولو انا هاخر عليك في اجابة الدعاء اني هاخرها عشان مصلحتك مش انتقام من ملك الملوك سبحانه وتعالي.
قبل مانطلع الحلقه دي عملنا احصائية سالنا اصحابنا في المسجد انهم يقولولنا عن السلبيات اللغلط في حياتنا فوجئنا بمئات الاشياء الغلط واللي مفروض نتعلم ازاي نغيرها اصبح عندنا بفضل الله عز وجل ثم بعد كده اصحابنا والاخوات اللي تعبو معانا حصيلة من البرنامج هيستمر معاكو لرمضان فكتبنا علي الموقع استفتاء هلي في مفاهيم غلط في حياتنا عايزه تتغير فلاقينا 85% بتقول نعم
هنتنقل لنقطه تانيه ان ازاي اصلا اتنشأت عندنا المفاهيم الغلط في حياتنا؟
الكلام اللي هقوله جزء منه تنمية بشريه واللي بانسب بعض اللي بقوله لدكتور الفقي حفظه الله
في حاجه من احد اهم تكوينات البني ادم اسمها<<< المفهوم الذاتي <<<اي حد بيتولد صغير مابيبقاش عنده في ذهنه تصورات الحياة وتصورات الناس يسامح ولا مايسامحش ؟ايه الحاجه الغلط وايه الحاجه الصح ؟
مفهوم بعض المعاني اللي بتحصل حواليه ؟ مين اللي بيعلمه الكلام ده من ساعة مابينشأ؟ ابوه وامه
من ساعة الافكار والمبادئ والمعتقدات اللي عندنا دي اسمها المفهوم الذاتي يبدا يتعلمها من ابوه وامه في الاول وشوفو يا جماعه احنا مش بنلوم الاباء ولا الامهات.
لكن تخيل انك لو نشأت في بيت مافيهوش تسامح انت ماتعرفش لو حد عمل حاجه فيك تعمل ايه؟
انت نشأت في بيت بيقول اضرب اللي يضربك وخد حقك بايديك!!!
واوع تسامح لاحسن تعيش في الدنيا دي ضعيف!!!
تخيل انت المفهوم دا لما اصطدمت بواقع الحياة لقيت:
ناس كتير لما انت سامحتهم انت فعلا خدت فوق دماغك.
لقيت ناس لما سامحتهم انت فعلا عشت ضعيف في الدنيا.
ويمكن يكون كثير مننا شاف المواقف دي لكن بسبب انه فهم المفهوم ده من البيت او من الناس او من صحابه او من التلفزيون وده اللي هنتكلم عنه بعد شويه ازاي بيأثر تأثير ايجابي وسعات كتير بيبقي سلبي في الاعمال الفنيه الغير مناسبه لتقاليدنا وعاداتنا
فبيطلع ان مفهومه الذاتي السلبي مايشفش غيره في الدنيا يعني مايبانش ادامه تسامح بسبب انه خلاص خد قرار ان دماغه ماتشفش الا لو خد حقه بايده.

تخيل لو انت طلعت مثلا في بيئه: الدين مش داخل في حياتها وان الدين ماهو الا ركعات لما تكون فاضي بتعملها لكن الدين مايحكمش تحركاتك ولا اهدافك ولا حياتك ولا تحدد تصاحب مين ولا تجوز مين فطلعت فكرتك عن الدين اللي هو مش داخل فيكل حاجه في حياتي.

تخيل لو واحد نشأ علي كده في بيته والحمدلله ان معظم البيوت مش كده لكن اصحابهعلموه كده ؟وممكن تكون المدرسه علمتوه كده؟ ممكن يكون التلفزيون بيعلمه كده ؟
فهو داخل يتعامل مع الواقع بمفهومه ان الدين مش كل حاجه في الدنيا .

تخيل لو انت نشأت مثلا في مجتمع بيقول عشان اجمل صورتي في المجتمع لازم اكدب او يكون عندي نوع من المظهره الكدابه عشان كلام الناس عليا !!!
ويبتدي الموضوع يتراكم ادامك وتشوفو ان اللي يتشكر فيهم ممكن يكونو كدابين او اللي يتشكر فيهم ممكن يكونو بيتظاهرو باشياء مثلا ممكن ماتكونش صادقه عند الناس فيبدأ المفهوم ده ينمو عند الناس .

تخيل لو انت نشأت في مكان حب الولد والبنت شيء كبير اوي في حياتهم؟؟؟
تخيل ان في بنات كتير وشباب في مجتماعنا مش متصور انه يعيش من غير حب قبل الجواز! مش متصور انه ممكن يكون عايش كده مافيش بنت بتحبه او ولد يحبها ! فتخيل واحد عنده المفاهيم دي وداخل الجامعة هيركز علي ايه؟ ولما واحد يقولو علي فكرة حاول تكون علاقتك بالبنت علاقه سببية وحاول يكون فيها ضوابط اسلاميه وهو لم ينشأ النشأه دي ممكن يكون التلفزيون علمه كده او البيت علمه كده وكل اصحابه بيقولو عكس كده فداخل الجامعه بالمفهوم ده مين البنت اللي هيحبها وتحبه ومين البنت اللي يصاحبها وتصاحبه ؟
خد بالك... ساعات كتير الواحد يا جماعة بيبقي عنده مفاهيمه اللي جواه نتيجة تربيته السابقة او نتيجة توارث الاجيال قبل كده او نتيجة مثلا انه لقي اصحابه كده فخلاص هو بقي عنده العيشه كده

داخل يتعامل بيها في الحياة داخل مش شايف غيرها في الدنيا .


من مواضيع : المحبة في الله عاشوراء
برنامج |مشكلات من الحياة |برنامج فتاوي|د.عبدالله المصلح
هناك شبهات حول النبي "صلي الله عليه وسلم "!|الحلقة الثالثة|خدعوك فقالو
برنامج مشكلات من الحياة |برنامج فتاوي|د.عبدالله المصلح |الحلقة الثالثة|
برنامج خدعوك فقالوا!!!
21-12-2008, 06:07 PM
المحبة في الله
 
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى


بعض الناس وده للأسف عند الشباب يا جماعة مفهوم الرجولة واحد اتربي ان مفهوم الرجوله انو لازم يجرب كل حاجه!!!
وانه لو مجربش السجاير وهو في المدرسه للأسف الشديد هيبقي انسان فرفور!!!
لو ماجربش المخدرات!!! .
بعض المفاهيم المدمرة بصورة المفهوم ده بعض بيقول انت لو ماقلتش ادبك وانت صغير !!!
هتشتاق وانت كبير عشان انت مادوقتهاش وانت صغير تخيل لما يتربي المفهوم ده عند شبابنا فيبقي خايف انه يكبر من غير ما يعصي خايف انه لو كبر وكان مثلا هو ماعصاش وهو صغير يبقي انسان منحرف وهو كبير لا والله العظيم يا جماعه لا ربنا قال كده ولا النبي صلي الله عليه وسلم قال كده.
تعال بقي عايز اكلم معاكو عن حاجه تانيه مرتبطه بالاعلام يارب كل واحد بيشتغل في الاعلام والفن يسمعني التلفزيون في حجات كتير اوي حلوة بس التلفزيون اصبح فيه جزء كبير جدا بقي اداة مدمرة من اول ماعنيك تفتح وانت طفل لغاية ماتقابل ربنا بيشكل ثقافتنا
كنت باتكلم مع واحد صاحبنا بيحضر ماجستير في ادارة الاعلام قلتلو انتو عشان تحضر للدكتوراه بتتعلم معلومات ممكن تغير حياتك ونظرتك للدنيا دي كلها فسألتو بتدرس اد ايه قال بندرس مرتين في الاسبوع كل مره ساعتين ونصف وبنقعد فتره ندرس يعني 5 سعات دراسه في الاسبوع بعد سنه او اتنين تعمل ماجستير انت مدرك احنا بنتفرج اد ايه علي التلفزيون لما يكون عدد الساعات 40 ساعة في الاسبوع للشباب ممكن تكون 12 ساعه للكبار شويه في الاسبوع!!!
الماجستير 5 سعات في الاسبوع بس انت متخيل ابنك الصغير الكرتون بيأثر عليه ازاي تخيل كمية العنف وكمية القتل في العاب البلاي استيشن انا جاي علي بالي دلوقتي احنا بنتكلم في ايه ؟
انا باتكلم علي اننا نشأنا علي مفاهيم ان الولد بيكلم صاحبه في المدرسه وهو في رابعه ابتدائي ازاي قتل امبارح ! وازاي عرف يخطف البنت عشان اللعبه في البلاي استيشن بتعلمه يبقي كده !ولو ماكنش بيفهم في اللعبه دي يبقي فرفور وفافي ويبقي مش فاهم في اي حاجه ويبدأ العنف يكبر ويبدأ الولد بيحتكم المجتمع باصحابه وهو لازم اخد حقي بايديا ولازم ابقي زي بتاع الكارتون او اللعبه بتاع البلاي استيشن.
او تخيل كده سن المراهقه او تخيل كمية الغرام والحب والرقص انا اسف والايحاءات الجنسيه في اغانينا تخيل لو ولد او بنت في سن المراهقة وقاعد يتفرج علي فيلم او تمثيليه وبيتفرج علي قصه غراميه او قصتين كل يومين تلاته متخيل مفهوم الحبوالاشتياق لعلاقه ممكن تبقي حرام اد ايه؟؟؟
متخيل كمية المفاهيم اللي ممكن تتزرع جوانا من اربعين ساعة في الاسبوع ادام التلفزيون عشان كده يا جماعة والله احنا محتاجين نفتح قلوبنا لبعض ونقول احنا محتاجين نسمع الله سبحانه وتعالي بيقول ايه عايزين نسمع النبي صلي الله عليه وسلم بيقول ايه كفايه اوي الحجات اللي قافلين عليها قلوبنا :
قال صلي الله عليه وسلم "تعرض الفتن على القلوب عرض الحصير عودا عودا فأي قلب أشربها نكتت فيه نكتة سوداء وأي قلب أنكرها نكتت فيه نكتة بيضاء حتى يصير القلب أبيض مثل الصفا لا تضره فتنة ما دامت السماوات والأرض والآخر أسود مربدا كالكوز مجخيا لا يعرف معروفا ولا ينكر منكرا إلا ما أشرب من هواه "
صحيح مسلم. الإصدار 2.07 - للإمام مسلم
الجزء الأول >> 1 - كتاب الإيمان >> (65) باب بيان أن الإسلام بدأ غريبا وسيعود غريبا، وإنه يأرز بين المسجدين

النبي بيقول ايه دلوقتي :النبي بيقول"تعرض الفتن على القلوب عرض الحصير عودا عودا" بيقول ازاي المفاهيم الذاتيه تترسخ جوه القلوب وتتقفل عليها ازاي الواحد ممكن مبادئه ومعتقداته وافكاره تخش جواه وبعدين يقفل عليها ويبدأ يتعامل بيها مع الواقع
قال صلي الله عليه وسلم في "فأيما قلب اشربها نكتت فيه نكتة سوداء وايما قلبا انكرها وردها نكتت فيه نقطة بيضاء حتي تصبح القلوب علي قلبين :
- قلب ابيض كالصفا لا تضره فتنه
-وقلب الفتن تتعرض 24 ساعه يعني بتخبط في القلب
بنقول ان المفاهيم اللي كونت شخصيتي ببدأ اتعامل بيها مع الناس في الدنيا
مبدأ خد حقك بايديك!!!
مبدأ مافيش امل في الامة ولا في امل فيا!!!
مبدأ لو سامحت الناس هاخد فوق دماغي!!!
مبدأ ان ربنا مش قابلني منا باعصي!!!
مبدأ لو عايزني كان وفقني للطاعه!!!
مبدا ان الشيطان شاطر احنا عارفين نعمل حاجه مع الشيطان!!!
عكس كلام ربنا " ان كيد الشيطان كان ضعيفا " فبقينا مهزومين.
تخيل لو دي مبادئي انا وبتعامل بيها مع الواقع :
اللي بيحصل ان المفهوم بيترسخ خلاص ويبقي نقطه سوده في القلب المفروض نتعامل بيه مع الناس اصل التعامل بالقلب!
نكتت فيه نكتة سوداء :ادي نكته سوداء بتقول خد حقك بايديك ! وادي نكته سوداء بتقول لو مصاحبتيش مش هتتجوزي! وادي نكته سوده بتقول الحجاب خلا شكلك غير مقبول وسط الناس !
وايما قلب انكرها نكتت فيه نكتة بيضاء : لا ياعم انا عايز اقرب من ربنا واعرف ربنا بيقول ايه والنبي بيقول ايه في الموضوع ده حتي تصبح القلوب كل مايتعلم حاجه غلط يجي الدين والقران عشان هو فاتح قلبه لقبول النصيحه يغسل النكته السوده وقلب اسود بس فيه نقط بيضاء
كالكوز المقلوب: المقفول علي الغلط لا يعرف معروفا ولا ينكر منكرا الا من اشرب من هواه
انت متخيل يعني ايه ماعرفش اتعامل الا بالافكار والمباديء اللي عندي.
يارب نجينا ونقي من قلوبنا النقط السوده ويكون البرنامج ده سبب في تنقية النكت السوداء
عايز الخص الموضوع في المفهوم الذاتي :
عشان ده من اهم المبادئ اللي هننطلق منها في خدعوك فقالو
المفهوم الذاتي : مجموع المبادئ والمعتقدات والافكار اللي ترسخت جوانا من بيتنا ومن اصحابنا ومن مجتمعنا ومن التلفزيون دي مكونات شخصيتي اللي هتعامل بيها مع الناس بعد كده فلو عندي مبادئ غلط انا شايف اني هارد الاهانة دي بالطريقه دي
شايف دي: طلعت منين من مبدأ غلط .
تخيل لو واحد كل اسبوع يصحح مبدأ من المبادئ دي ويبدا يشوف الحياه والتعامل مع الناس ومع الله بمفهوم تاني ويبدأ القرب من ربنا يبقي احلي والسعادة تبقي احلي
عشان كده قراراتنا واخطاءنا سعادتنا وتعاستنا وجنتنا او نارنا مرتبطه بايه مرتبطه بمجموعة المباديء وشخصيتنا اللي بنتعامل بيها مع الله ومع الناس خد بالك خدعوك فقالو ده بيصحح المباديء والافكار اللي عندنا عشان نصحح العيشه اللي احنا عايشنها مع بعض ومع ملك الملوك سبحانه وتعالي ومبادئنا معتمده علي رسولنا الكريم

وهنتكلم عن المبادئ الخطأ اللي النبي قدر يغيرها في الدنيا في سنوات قليله بفضل الله عز وجل وبفضل مجهود النبي وحلاوة شخصية النبي :
من ساعة النبي ما بعث وهو بيغير في افكار ومبادئ وخدع كتير اتربي عليها العرب قبل الاسلام
ومن اكبر الحجات اللي اتربي عليها الناس قبل بعثة النبي :

قال تعالي"إِنْ هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا نَحْنُ بِمَبْعُوثِينَ {37
الجزء الثامن عشر >> سورة المؤمنون

!!!متخيل ان واحد عايش كل همه ان ياخد اكبر كمية من الشهوات والملذات والسعاده عشان بعد مايموت مافيش عيشه تانيه

!!!متخيل ان واحد ماعندوش حساب واخره فجه النبي يقول ماينفعش دي الدنيا دي حاجة صغيره جدا

قال تعالي" قُلْ إِنَّ الْأَوَّلِينَ وَالْآخِرِينَ {49 لَمَجْمُوعُونَ إِلَى مِيقَاتِ يَوْمٍ مَّعْلُومٍ {50
الجزء السابع والعشرون >> سورة الواقعة

قال رسول الله صلى الله عليه وسلم "والله! ما الدنيا في الآخرة إلا مثل ما يجعل أحدكم إصبعه هذه - وأشار يحيى بالسبابة - في اليم. فلينظر بم يرجع؟"
صحيح مسلم. الإصدار 2.07 - للإمام مسلم
الجزء الرابع. >> 51 - كتاب الجنة، وصفة نعيمها وأهلها >> 14 - باب فناء الدنيا، وبيان الحشر يوم القيامة

اي ان الدنيا حجمها في الاخرة زي ماتحط صباعك في اليم تطلع بنقطة صغيره اوي
ليغير مفهوم شهوات الدنيا وان في فتره اطول واحلي والذ يكفي ان فيها صحبة النبي ورؤية ملك الملوك.

ومن المفاهيم الاخري اللي النبي غيرها :
مسألة تعاملاتنا مع الله عز وجل


لما جاله ناس وقالو احنا مشركين كما نص الحديث زنو فاكثرو وقتلو فأكثروا
زنا مالوش عدد وقتل مالوش عدد هو ربنا بيغفر لنا فنزلت الايه علي سيدنا محمد
اللي غير بيها مفهوم ناس كتير ما كنتش متخيله ان ربنا يعمل معاها كده

وَالَّذِينَ لَا يَدْعُونَ مَعَ اللَّهِ إِلَهاً آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَاماً {68 يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً {69 إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً {70 وَمَن تَابَ وَعَمِلَ صَالِحاً فَإِنَّهُ يَتُوبُ إِلَى اللَّهِ مَتَاباً {71
الجزء التاسع عشر >> سورة الفرقان

واحد جاي للنبي يقول مش هاقدر اقرب من ربنا عشان زنيت كتير وقتلت كتير وكنت كافر اصلا يرجع من عند النبي دماغه متغيره اصلا انك لو تبت النهارده يبدل الله سيئاتك حسنات بل ان الله سبحانه وتعالي بيفرح بتوبة التائب



مفاهيم اجتماعية في المعاملات :
لقي النبي ان البقاء للاقوي وان اللي عنده قبيله اقوي ياكل التاني ومافيش حاجه اسمها الاحترام والرحمة حطلهم قاعده ان عايزين الله يرحمكم ارحمو بعض
"إنما يرحم الله من عباده الرحماء"
صحيح البخاري، الإصدار 2.03 - للإمام البخاري
الجزء الرابع >> 100 - كتاب التوحيد. >> 2 - باب: قول الله تبارك وتعالى: {قل ادعوا الله أو ادعوا الرحمن أيًّا ما تدعوا فله الأسماء الحسنى /الإسراء: 110/.



الراحمون يرحمهم الرحمن حتي الحيوان مش بس البشر :
يقولهم واحده دخلت النار في قطه عشان ماكلتهاش "ولا تركتها تاكل من خشاش الارض "
والزانيه البغيه تدخل الجنه لسقيها كلب مايه داخل حذائها فشكر الله لها فغفر لها



مسألة ان ربنا يساعدنا :
عايز ربنا يسعدك ساعد الناس ان الله في عون العبد ماكان العبد في عون اخيه
فتغيرت مفاهيم الناس عشان ربنا يرحمني ارحمك انت
عشان ربنا يسامحني اسامحك انت واتغيرت مفاهيم تعاملاتنا مع بعض



حتي مفاهيم ماداخل البيت :
"شوف اد ايه قيمة البيت والاسرة
عن أبي هريرة قال: قال رسول الله صلى الله عليه وسلم:
"دينار أنفقته في سبيل الله. ودينار أنفقته في رقبة. ودينار تصدقت به على مسكين. ودينار أنفقته على أهلك. أعظمها أجرا للذي أنفقته على أهلك".
صحيح مسلم. الإصدار 2.07 - للإمام مسلم
الجزء الثاني >> 12 - كتاب الزكاة. >> (12) باب فضل النفقة على العيال والمملوك، وإثم من ضيعهم أو حبس نفقتهم عنهم

اعظم اجر عشان يعلمنا قيمة البيت



كان عار انه يتولد له بنت :
عن أنس بن مالك. قال: قال رسول الله صلى الله عليه وسلم "من عال جاريتين حتى تبلغا، جاء يوم القيامة أنا وهو" وضم أصابعه.
صحيح مسلم. الإصدار 2.07 - للإمام مسلم
الجزء الرابع. >> 45 - كتاب البر والصلة والآداب >> 46 - باب فضل الإحسان إلى البنات
[ش (من عال جاريتين) معنى عالهما قام عليهما بالمؤنة والتربية ونحوهما. مأخوذ من العول، وهو القرب. ومنه قوله: ابدأ بمن تعول. (أنا وهو. وضم أصابعه) معناه جاء يوم القيامة أنا وهو كهاتين].


نظرتنا لبعض وطبقاتنا الاجتماعيه :
ليس لعربي علي اعجمي الا بالفضل ان اكرمكم عند الله اتقاكم
التصنيف ليس بالمظهر ولكن الله هو الذي يعلم مقادير عباده بالتقوي

حتي الحرب:
لا تقتلو شيخا فانيا ولا طفلا ولا امراة ولا راهبا يتعبد








من مواضيع : المحبة في الله الدعاء علي العدو
عاشوراء
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
اجر صيام العشر الأوائل
300حديث شريف لرسولنا الكريم
21-12-2008, 06:11 PM
المحبة في الله
 






احنا نزلنا الشارع وسألنا بعض الشباب وقالو بعض المفاهيم اللي هما عايشين بيها وستسمعون الجمل غير مرتبطه ببعض مرتبطه بالحلقات اللي هنبدأها اسبوع ورا اسبوع وسأعلق عليها ونقول اثرها السلبي والايجابي في مجتمعنا :



!!!!!! لا طبعا الدين مابيدخلش في كل حاجه في مجتمعنا !!!!!!!!!!!!

!!!!!الدين يسر مش عسر!!!!!!!!!!!!

!!!!ساعة لربك وساعة لقلبك !!!!!!!!!!!!

!!!!ليه ماوقفتش جانبي يارب!!!!!!!!!!!!

!!!!ممكن يكون ربنا شايف ان في خير ليه !!!!!!!!!!!!

!!!الحقيقة الناس كلها كده !!!!!!!!!!!!

!!!!!طبعا حقي مش هاسيبه ولو حتي هاخده بدراعي !!!!!!!!!!!!

!!!هاخد حقي واجري!!!!!!!!!!!!

!!!!اخد حقي حتي لو كان علي رقبتي !!!!!!!!!!!!

!!!!مش هو يضربني وانا اتفرج عليه!!!!!!!!!!!!

!!!!خير تعمل شر تلقي!!!!!!!!!!!!

!!!اتق شر من احسنت اليه!!!!!!!!!!!!

!!!!انا حر اعمل اللي انا عايزه!!!!!!!!!!!!

!!!مافيش نص يحرم السجاير!!!!!!!!!!!!

!!!الحشيش!!!!!!!!!!!!

!!!مكيفات اه بس مش ادمان!!!!!!!!!!!!

!!!الناس بتعتقد انه مش ادمان!!!!!!!!!!!!

!!!مافيش حد مايغلطش!!!!!!!!!!!!

!!!اكيد لأننا بشر !!!!!!!!!!!!

!!!الشيطان شاطر!!!!!!!!!!!!

!!!مش انا اللي هغير الكون!!!!!!!!!!!!

!!!مدام الشارع هو اصلا مش نظيف!!!!!!!!!!!!

!!!هي جت عليا انا !!!!!!!!!!!!

!!!الشغل هو !!!!!!!!!!!!

!!!مدام المرتب قليل مش هابذل مجهود كويس !!!!!!!!!!!!

!!!مافيش وقت!!!!!!!!!!!!

الدنيا مش كلها وحشه زي مافيها الوحش فيها الحلووالنماذج الحلوة موجوده كتير

قدوتي في الحياه:

النبي

والدي

اختي

بلا قدوة!!!!!!!!!!!!!!!

سمعنا مع بعض :

!!!!!! لا طبعا الدين مابيدخلش في كل حاجه في مجتمعنا !!!!!!!!!!!!

انت مدرك ان واحد يبقي عايش شايف ان الله ليس له الحق في التحكم في حياتنا
وان ينفع خطواتي اخدها بدماغي وقراراتي بدماغي مع اني عبد والعبوديه اني ماتحركش الا باذن من ربي وسيدي سبحانه وتعالي

مدرك اننا لما نختلف مع بعض مين هيفصل مابينا


قال رب العالمين "وَمَا اخْتَلَفْتُمْ فِيهِ مِن شَيْءٍ فَحُكْمُهُ
إِلَى اللَّهِ ذَلِكُمُ اللَّهُ رَبِّي عَلَيْهِ تَوَكَّلْتُ وَإِلَيْهِ أُنِيبُ {10 "
الجزء الخامس والعشرون >> سورة الشورى

فليس الحكم لدماغي او دماغك بل لله



!!!!!الدين يسر مش عسر

صح الدين يسر يس الكلمة دي كتير بتطلع ذريعة للتسيب مش ذريعة لحب الدين.

مش الله يارب.... انت كريم اوي والنبي سهل علينا دا الدين يسر لا!!!

سعات مفهوم اليسر بيكون ذريعه ان الواحد مايعملش بعض الفروض



!!!!ساعة لربك وساعة لقلبك

تخيل موضوع ساعة لقلبك وساعة لربك أد ايه باعدنا عن ربنا عز وجل وهو القصد منها ساعة للدرس مع ربنا او النبي وساعه مع اهلي وشغلي اهلي اللي هي صميم من عباده برده
عارف بتطلع ازاي ساعة لقلبك اللي هي معصية كفايه بقي كلام ربنا عز وجل!!!!
احنا عايزين نتكلم في مفهوم ان ساعة القلب ماينفعش تبعدنا عن الرب
عايزين نرسخ مفاهيم الاسلام صح ان في ساعة اللعب اكون بنفس الخشوع وانا في الصلاة مش اصلي وبعدين اعمل معاصي ارجع كاره الصلاة وزهقان وتقيله عليا



!!!الحقيقة الناس كلها كده

سوء الظن وسرعة الحكم علي الناس والانشغال بأخطاء الناس بعدم الانشغال بالنفس مفهوم خاطيء محتاجين اننا نتكلم فيه



!!!!خير تعمل شر تلقي

اتقتل عندنا حافز العطاء لما اكون عايز اعمل خير ومتوقع الشر منك خلاص هاحبك ليه واعملك خير ليه اتقتل حافز العطاء بهذا المثل اللي ترسخ في قلوب كثير مننا



!!!مافيش نص يحرم السجاير

سامحني العلماء بس هما اللي يقولو يا جماعة عشان كده خدو بالكم احنا محتاجين نركز ونبدأ نسمع مع بعض كتير



!!!مافيش وقت

خلتنا عندنا يأس من اي انجاز مش هاعرف العب رياضة وانا بذاكر
مش هينفع اشتغل وانا بادرس مع ان في دراسات كتير لو اشتغلت معاها تقدر تنمي قدراتك في الدراسه دي عندنا وقت كبير بيضيع في حجات مالهاش لازمه وهنتكلم كتير في حلقتها



ذَلِكَ بِأَنَّ اللّهَ لَمْ يَكُ مُغَيِّراً نِّعْمَةً أَنْعَمَهَا عَلَى قَوْمٍ حَتَّى يُغَيِّرُواْ
مَا بِأَنفُسِهِمْ وَأَنَّ اللّهَ سَمِيعٌ عَلِيمٌ {53
الجزء العاشر >> سورة الأنفال (8)
احنا لازم نغير اللي جوانا عشان الاحداث اللي حولينا تتغير لان الحداث اللي بتحصلنا نتيجة تفاعل افكارنا وتفاعل مبادئنا اللي لما بتبقي صح بتبقي النتيجه حلوة ولما بتبقي غلط بتبقي النتيجه مش كويسه فلن يتغير واقعنا سواء سعادتنا علي مستوي الفردي او مستوي الامة الا لما نغير احنا اللي بداخلنا
خدعوك فقالو عشان كده والنبي كان جزء كتير من دعوته كان عشان يغير مفاهيم كتيرة عند الناس نجح النبي صلي الله عليه وسلم وطلعت اجيال سادت الدنيا وعاشو سعداء في الدنيا والاخرة عايزين نعمل كده مش عايزين كل الكلام بس يبقي مواعظ عايزين ننقي قلوبنا من الافكار الغلط
هاختم الحلقه بايه قرانيه:

"وَلَوْ أَنَّهُمْ فَعَلُواْ مَا يُوعَظُونَ بِهِ لَكَانَ خَيْراً لَّهُمْ وَأَشَدَّ تَثْبِيتاً {66 وَإِذاً لَّآتَيْنَاهُم مِّن لَّدُنَّـا أَجْراً عَظِيماً {67 وَلَهَدَيْنَاهُمْ صِرَاطاً مُّسْتَقِيماً {68
القرآن الكريم. الإصدار 2.26 - تنزيل من الرحمن الرحيم
الجزء الخامس >> سورة النساء (4)

اسمع الحلقه ونيتك التغيير فالتغير ليس سهل محتاجين استعانه بالله ليأخذ بايدينا

.............تم بحمد الله.............







من مواضيع : المحبة في الله برنامج خدعوك فقالوا!!!
الأمة ماتت ومافيش أمل في نهضتها!|الحلقة الثانيه|خدعوك فقالو|
هناك شبهات حول النبي "صلي الله عليه وسلم "!|الحلقة الثالثة|خدعوك فقالو
عاشوراء
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
23-12-2008, 12:08 AM
mody_elmhdy
 
يسلو موضوع مفيد بجد
من مواضيع : mody_elmhdy
24-12-2008, 07:15 PM
noor_m
 
بجد موضوع ولا اروع
تسلم ايدك اخى المحبة لرسول الله
من مواضيع : noor_m
25-12-2008, 11:29 AM
جراح قلب
 
الموضوع مش باين عندى
مش موجود غير الصوره الرمزيه والبيانات
وده حصل فى موضوعات اخرى
فممكن حد يعرفنى السبب
من مواضيع : جراح قلب
27-12-2008, 03:23 AM
المحبة في الله
 
تحياتي لكي

اقتباس:
المشاركة الأصلية كتبت بواسطة جراح قلب تحياتي لكي
الموضوع مش باين عندى

مش موجود غير الصوره الرمزيه والبيانات
وده حصل فى موضوعات اخرى
فممكن حد يعرفنى السبب

تحياتي لكيتحياتي لكيتحياتي لكي
شكرا علي مرورك وحرصك علي قراءة الموضوع وادعو الله ان تحل هذة المشكله لكي قريبا باذن الله.تحياتي لكي
من مواضيع : المحبة في الله برنامج |مشكلات من الحياة |برنامج فتاوي|د.عبدالله المصلح
تفسير سورة "الزمر"|ابن كثير|
أقدم لكم المفاجأة " دويتو "بين المحبه في الله وهبة الله
كتاب الدعاء هو العبادة
عاشوراء
27-12-2008, 04:33 AM
ميدوlive
 
تسلم ايدك على المجهود الرائع يا المحبة
وانشالله نشوف المزيد من مواضيعك القيمة
تحياتي لكِ
من مواضيع : ميدوlive وصية النبي*صلى الله عليه وسلم*بأهل مصر
لباس النساء
استحباب طيب الكلام وطلاقة الوجه عند اللقاء
تحريم سب المسلم بغير حق
الحمد بعد الأكل والشرب
31-12-2008, 01:18 PM
جراح قلب
 
ماشاء الله
روعه روعه روعه
جزاك الله خيرا يا محبه

من مواضيع : جراح قلب
01-01-2009, 01:40 AM
المحبة في الله
 
Bye

اقتباس:
المشاركة الأصلية كتبت بواسطة جراح قلب
ماشاء الله



روعه روعه روعه
جزاك الله خيرا يا محبه
جزاكي الله كل خير يارب وبادعي بجد اننا كلنا نستفيد لان آن الاوآن أن نصلح من أنفسنا ونكون أمة فطنة لها مفاهيمها الصحيحة وعقيدتها القويه التي لا تشوبها شائبة
وشكرا لمرورك |جراح قلب|.
من مواضيع : المحبة في الله تفسير سورة "الزمر"|ابن كثير|
هناك شبهات حول النبي "صلي الله عليه وسلم "!|الحلقة الثالثة|خدعوك فقالو
عاشوراء
برنامج خدعوك فقالوا!!!
300حديث شريف لرسولنا الكريم
 

الكلمات الدلالية (Tags)
لمصطفى, مجتمعنا, المعتقدات, الأولى, الحلقة, الخاطئة, برنامج, خدعو, خدعوك, حسني|, فقالوا

أدوات الموضوع

الانتقال السريع

المواضيع المتشابهه
جميع حلقات نارتو مترجمة
اروع برامج للمحمول
جريندايز - جودة عالية - جميع الحلقات

برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى

الساعة الآن 11:42 PM.