xpredo script

العودة   نيو حب > المنتديات العامة > طريق الاسلام
التسجيل

هناك شبهات حول النبي "صلي الله عليه وسلم "!|الحلقة الثالثة|خدعوك فقالو

طريق الاسلام

01-01-2009, 01:33 AM
المحبة في الله
 
06 هناك شبهات حول النبي "صلي الله عليه وسلم "!|الحلقة الثالثة|خدعوك فقالو

هناك شبهات حول النبي "صلي الله عليه وسلم "!|الحلقة الثالثة|خدعوك فقالو



لتحميل
الحلقة الثالثة : خدعوك فقالوا : هناك شبهات حول النبى صلى الله عليه وسلم


شبهات حول الرسول:

هنتكلم النهارده عن مفهوم خاطيء في بعض قلوب الناس عن النبي صلي الله عليه وسلم
خدعوك فقالو................................>>>>>> في شبهات حول النبي<<<<<<
في ناس كتيره لما تثار شبهات كتيرة حوالين النبي بالذات المرتبطة بزواجه بأكثر من امرأة وزواجه من السيدة عائشة 9 سنين....... بعض الناس عندهم المعلومات انه يرد والبعض الاخر ماعندوش المعلومات بس عنده الاستسلام ان النبي صلي الله عليه وسلم بيتقال عليه حاجه!!!!!!!!
دا النبي انا مين اصلا عشان اتكلم!!!!!
فيتهم نفسه انه مايعرفش ويسلم لحكمة ربنا في تدبيره في حياة النبي!!!
وبعض الناس عاملنا عليهم احصائية وصلو ل40% من اللي سألناهم وعددهم مئات الاشخاص........ سعات بيشعر بالارتابك....... سعات بيشعر بالخجل...... سعات بيشعر انه مش عارف يرد فبيتكسف وفي نفس الوقت بيحس انه شايل شويه من المعلومة دي مش عايز يقول ازاي النبي صلي الله عليه وسلم يعمل كدا وفي نفس الوقت نفسه حد يبرهنله الموضوع ده وحاسس بالشك وبعدين بيتهم نفسه!!!!!
>>>> فيه لخبطه<<<<
....في خدعه ان ممكن النبي يكون عمل حاجه مايكنش فيها قدوة أو ممكن لو كان حد في مكانه يعمل كدا !!!!!هناك شبهات حول النبي "صلي الله عليه وسلم "!|الحلقة الثالثة|خدعوك فقالو



خدعوك فقالو في شبهات حول النبي !!!!!!



احنا جاين النهارده عشان نقول الشبهات دي مش حقيقية حوالين النبي......
حوالين قلوبنا احنا وحوالين تسليمنا وايمانا بالنبي صلي الله عليه وسلم
يالا تعالو النهارده نتكلم في الشبهات اللي بيقولوها هما وهي خدعة حوالين النبي!!!
شوفو ياجماعة احنا ممكن كنا نختار الطريق السهل ونحضر قصه من سيرة النبي ونيجي نحكيها لكن احنا اختارنا حاجه بتدور في اذهانا دلوقتي بتتنشر صور عن الرسول مش كويسه واساءات من غير المؤمنين بيه صلي الله عليه وسلم
وناس كتير مننا محتاجه تكون أأقرب للنبي صلي الله عليه وسلم
فاحنا هنعمل ايه النهارده؟؟ هل نتكلم في كلام يحببنا في النبي وبس؟؟
ولا الاحسن نشيل من طريقنا ورا النبي عقبات بتخلينا مش قادرين نستسلم لاوامر النبي
واحنا لما سألنا ناس كتير احد الناس بيقول انا لما بادخل علي الانترنت وفي بعض المواقع وانا بالوم الناس اللي بتعمل كدا
انهم بيخشوا علي مواقع غير مسلمين الناس اللي بتتكلم علي النبي ويرمو شبهات علي الرسول واحنا كلنا مقصرين في القراءه عن النبي ومش عارفين نرد والناس بتتصل بيا يقولولي انا باعيط لما باسمع الكلام ده ومش عارف ارد وبخاف اكون شاكك في النبي
عشان كده ياجماعه انا عايز اقول حقيقة مهمة جدا
ان مافيش حاجه اسمها شبهات حول النبي
لو احنا يا جماعه في حاجه مش فاهمنها احنا يبقي الشبهات في ايمانا احنا يبقي احنا اللي محتاجين نشيل من قلوبنا الحاجه الغلط مش النبي هو اللي فيه حاجه عنده
النبي اعلي من ان يكون فيه حاجه عنه دي اول حاجه
الحاجه التانيه انا مش جاي ادافع عن النبي انا جاي ادافع عن نفسي وعن اصحابي واخواتي اللي بيتفرجو احنا يا جماعة لو روحنا عند ربنا وفي حاجه في قلوبنا اتجاه النبي احنا اللي هنضيع قال رب العالمين وهو بيتكلم علي ناس كانو بينصحو ناس مش كويسين فناس قالولهم انتو بتنصحو الناس دي ليه قال رب العالمين:

وَإِذَ قَالَتْ أُمَّةٌ مِّنْهُمْ لِمَ تَعِظُونَ قَوْماً اللّهُ مُهْلِكُهُمْ أَوْ مُعَذِّبُهُمْ
عَذَاباً شَدِيداً قَالُواْ مَعْذِرَةً إِلَى رَبِّكُمْ وَلَعَلَّهُمْ يَتَّقُونَ {164}

الجزء التاسع >> سورة الأعراف <<
احنا بنعمل كدا عشان نقول يارب ونقول للنبي صلي الله عليه وسلم اللي ممكن يسألنا يوم القيامة لما قالو ان في شبهات حواليا ليه ماتكلمتوش ورديتو ليه مادافعتوش ؟؟؟؟؟؟؟؟؟وانا النهارده بعض الناس قد يظن ان الحلقه دي موجهة لغير المسلمين لا والله. طبعا ياريت توجه للعالم كله بس الاول الحلقه دي موجهة للمسلمين اللي ممكن يكون في حاجه جوا قلبه كده أو مغطيها ومش عايز يتكلم فيها اتجاه النبي صلي الله عليه وسلم
وأنا بصراحه اللي حفزني أحاديث قرأتها عن النبي صلي الله عليه وسلم أن النبي كان حريص ان ماحدش يبقي فيه حاجه في قلبه اتجاه النبي.........
تقولي هو في حد في قلبه ممكن يكون فيه حاجه اتجاه النبي ؟؟؟؟
حصل......وحتي لو ماكنش حصل كان النبي بيحاول ماتحصلش مره النبي صلي الله عليه وسلم في قصة اللي مغلب المشاهدين عارفنها ويمكن دا سبب لطلوعنا بحلقة الشبهات حوالين النبي صلي الله عليه وسلم النهارده
كان النبي معتكف والسيده صفيه جاءت لتسلم عليه وطبعا النبي افضل واحسن الازواج فطلع معاها النبي صلي الله عليه وسلم وهي كانت لابسه اسود وهي زوجة النبي صفيه بنت حيي الاخطب فهو وماشي معاها شافوه اتنين من الصحابه فوقفو علي جنب كده فالرسول رجع لهم فقال انها صفيه زوجة نبيكم فقالو سبحان الله يارسول الله (اي يستعجبو انهم استحاله ان يشكو في النبي)فقال النبي صلي الله عليه وسلم إني خشيت ان يلقي الشيطان في قلوبكم شيئا فتهلكا (انا كنت خايف ان الشيطان يرمي في قلوبكم حاجه ناحيتي اني انا ماشي مع الست اللي في الشارع دي مين دي اللي النبي ماشي معاها خفت ان مجرد بس انكم تفكرو فيا تفكير صغير كده فخفت عليكم فحبيت ابين فكان النبي بيخاف ان حد يفكر تفكير صغير .
ومرة واحد من الاعراب والحديث في صحيح مسلم
واحد من الاعراب لا يجيد التعامل مع النبي لسه مسلم جديد ومش بيعرف يتكلم بأدب عن النبي فالنبي بيقسم غنائم احد الغزوات فقام واحد جه للرسول وقالو اعدل هذه قسمه ما اريد بها وجه الله (الكلام ده مايرديش ربنا اعدل في التقسيم )فالنبي صلي الله عليه وسلم غضب وقال ويلك من يعدل ان لم اعدل لقد خبت وخسرت ان لم اعدل (اوع تفتكر ان نبيك ممكن مايعدلش فكان النبي حريص ان ماحدش يجي في قلبه اي ذرة شك في اي تصرفات النبي لاحسن نضيع )
ربنا بيقول يوم القيامة:

"يَوْمَ تُبْلَى السَّرَائِرُ "{9}
الجزء الثلاثون >> سورة الطارق

يعني كل اللي في القلوب هينكشف فتخيل واحد جاي يوم القيامة فربنا يفتح قلبه فيطلع شك في افعال النبي .
عايزكو تروحو لتقرير خدناه من الشارع شباب وبنات ونسمع..........
انا الصراحه فخور بالناس اللي سألناهم فخور ومش هاقول خايف علي بعضهم انا عايز اقول من الحلقه هنا
يا جماعة .... ياللي ماتعرفوش عن النبي يالا نعرف مع بعض ....................
ياللي متعرفوش حكمة ربنا عز وجل من زواج النبي من اكتر من زوجه وبالذات من السيده عائشه اللي كان عندها 9 سنين يلا نتعلم بدل مانبقي قلقانين واحنا مانعرفش
يلا نطلع التقرير الخارجي وبعدين نبدأ مع بعض نشوف حكمة الملك وجمال حكمة الملك من قدره وتقديره لحياة النبي صلي الله عليه وسلم فتفضلو معايا

<<<<<التقرير>>>>

- قدوتي الرسول صلي الله عليه وسلم .

- الرسول عليه الصلاة والسلام فوق كل الشبهات طبعا .

- الرسول اتجوز 10 بس.

-11 او 12 كما ورد يعني المسأله فيها خلاف .

- ماعنديش رد للحكايه دي الصراحة !!!

- كل واحدة منهم كان ليها قصة وكان ليها حكاية .

-الرسول اتجوز قبطيه واللي اصغر منه واللي اكبر منه .

- تزوج الرسول لاغراض متعددة .

- كل زواجه للرسول كانت بسبب .

- كانو بيطلعو غزوة فيموت لواحدة زوج فكان الرسول يتزوجها .

- كل ما كان يفعله الرسول صلي الله عليه وسلم كان بوحي من السماء .

- "وَمَا يَنطِقُ عَنِ الْهَوَى" {3}
الجزء السابع والعشرون >> سورة النجم

- الرسول ليس كان يشتهي النساء والدليل انه عندما تزوج زوجاته المتعدده بعد سن الاربعين .

-الرسول لم يتزوجهم هباء ولكن تزوجهم عن حكمة من امر الله سبحانه وتعالي .

-احنا كلنا مش أهل اننا نرد علي الشبهات اللي بتتقال عن الرسول عليه الصلاة والسلام

احنا عايزين نتعلم دينا الاول عشان نقدر نرد الاول.

- لنشر الدعوة الاسلاميه والرسول مش هيعمل حاجه غلط طبعا .

- السيده عائشه تزوجها وهي تبلغ 9 سنين ولكن دخل بيها وهي عندها كام سنة؟

- مش عارف!!!!

- العصور تختلف طبعا يعني السيده عائشة عندها 9 سنين تعتبر توازي واحده عندها 20 سنة الان.

- مانقدرش نعلق علي اي حاجه الرسول يعملها.

- ايام الاسلام كانت تنضج عند 9 سنين.

- كانت لخدمة الاسلام .

- الكلام ده صحيح بس كان لظروف خاصة .

- لا ماعرفش!!!

- قيل عنده 12 وقيل عندها 16 او 17

- مش عارف بصراحه اقول ايه !!!

- مفروض نرد الاساءة بالاساءة .

ربنا قال في كتابه العزيز "إِنَّا كَفَيْنَاكَ الْمُسْتَهْزِئِينَ" {95}
الجزء الرابع عشر >> سورة الحجر
من مواضيع : المحبة في الله الله نور السماوات والأرض
برنامج مشكلات من الحياة |برنامج فتاوي|د.عبدالله المصلح |الحلقة الثالثة|
اجر صيام العشر الأوائل
برنامج خدعوك فقالوا!!!
الدعاء علي العدو
01-01-2009, 12:04 PM
هبة الله
 
يا المحبة في الله فين التكملة

كدا تضحكي عليا و اوصل للاخر و ملقيش باقى الموضوع

عيزينه باقرب فرصه
من مواضيع : هبة الله الروح الإنسانى و الحركة
حكمة تقبيل الحجر الأسود
فضل الموت في المدينة
التسول بالقرآن
إمرأة أعجبها رجل
01-01-2009, 08:52 PM
المحبة في الله
 
06




شوفنا التقرير مع بعض يا جماعة
وانا عايز اقولكم الشبهات اللي بتدور حوالين الناس اللي بتقول كده علي النبي:

انا عايز اقولكم علي حاجه:
أغلب المسلمين ماعندهمش شبهات حوالين رسولهم عايزين يا جماعه نشيل الكلام ده من اذهاننا لو قعدنا نكرر في شبهات في شبهات هنصدق
ممكن يكون كثير منا محتاج يعرف معلومه ممكن يكون هو مش فاهم المعلومه دي لكن احنا مش عايزين نتهم نفسنا إننا بنشك في النبي صلي الله عليه وسلم ومش عايزين نقول ان في قلبنا شبهات
...لان الشبهات مش حوالين النبي الشبهات هتكون في ايمانا...
فايه رايكم نسمع النهارده ونتعلم كلام العلماء اللي اتكلمو عن النبي وحكمة ربنا بس عايزه اقولكم عايزين نسمع حلقة النهارده بقلب المتواضع مش بقلب يقول طمنوني علي النبي بتاعنا !!!!
ولا القلب اللي يقول انا عندي شبهه وشاكك في النبي فحد يلحقني عشان أنا بدأت أبعد عنه............................................ . لا لا لا
احنا عايزين نسمع الحلقه دي بقلب اللي بيقول يارب انت اصطفيت نبيك واخترت نبيك وانت خليته سيد الخلق أكرم من أكرم الملائكة سيدنا جبريل فيارب انا عايز بس اتعلم واعرف حكمتك عشان ازداد ايمانا عايز اتعلم واعرف حكمتك عشان احبو اكتر...علشان لو حد اتكلم معايا اعرف ارد ولو حتي ماردتش مايرميش في قلبي اي شبهه اتجاه حبيبي صلي الله عليه وسلم
تعالو نتكلم واقولكم شوية معلومات جميله جدا جدا
والاول نقفل بيها شبهة اللي بيقول ان النبي كانت تقوده الشهوة !!!!استغفر الله
" صلي الله عليه وسلم"
يمكن دا اللي بيتقال علي صفحات الانترنت وبيتقال من المستشرقين اللي بيهاجمو النبي مش مؤمنين بيه وللاسف الشديد بسبب الغزو الثقافي الغربي بدا بعضنا يسمع ويدي ودنه للحجات دي
تعالو نتكلم الاول علي طبيعة الحياة اللي النبي جه فيها
الدنيا
مش العرب ...الدنيا اللي جه فيها كان الناس ماعندهمش حاجه اسمها عدد ازواج اصلا يعني كان زمان الصحابه والرومان والفرس والمجوس وكلو كان بيتزوج عدد النساء اللي هو عايزه !
تتخيلو ان احد الصحابه كان اسمه غليان بن سلمة الثقافي هذا الصحابي دخل الاسلام وهو متزوج عشرة
واحد تاني من الصحابة اسمه الحارث بن قيس دخل الاسلام وهو متزوج ثمانية وقالهم النبي ماينفعش عشرة او ثمانيه وقيدهم بالشرع الاسلامي فقط .
سؤال:
لما الناس كلها في عهد النبي علي مستوي الدنيا كانو بيتزوجو اي عدد من النساء والنبي صلي الله عليه وسلم قعد 25 سنة لم يتزوج؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟!!!!!!!!!!!!!!!!!!
خلي بالك عمرو بن العاص تزوج وهو عنده 13 سنة قبل الاسلام وزوجته عندها 12 سنة وخلف عبدالله بن عمرو بن العاص وهو عنده 13 سنة.

فانت تتكلم ان النبي قعد لحد سن 25 سنة لم يتزوج ليه؟ مافيش ولا تشريع ولا اسلام ساعتها؟ كان ممكن يتزوج بالعشرة والعشرين لو كان زي مابيقولو عليه بتقوده الشهوة "صلي الله عليه وسلم "!!!
ادي اول واحده
ازي الشهوه بتقوده صلي الله عليه وسلم؟؟؟ زي مابيقولو عليه بس احنا مش مصدقنهم احنا بنعلم بعضنا.
اذا كان الكفار في بداية دعوة ربنا من الرسول جاله الوليد بن المغيرة وقال لسيدنا محمد اسمع مني الكلام ده............ لو كان بيك جنون جئنا لك بالطبيب!
وان كنت تريد المال جمعنا لك المال من بيوتنا حتي اصبحت اغنانا!
وان كنت تريد الجاه جعلناك سيدنا فلا نقطع امرا حتي نرجع اليك!
وان كنت تريد النساء زوجناك أجمل نسائنا !
فقال النبي صلي الله عليه وسلم أفرغت يا ابا الوليد قال نعم فقال فاسمع مني فقال
بِسْمِ اللهِ الرَّحْمنِ الرَّحِيمِ
حم {1} تَنزِيلٌ مِّنَ الرَّحْمَنِ الرَّحِيمِ {2} كِتَابٌ فُصِّلَتْ
آيَاتُهُ قُرْآناً عَرَبِيّاً لِّقَوْمٍ يَعْلَمُونَ {3} بَشِيراً وَنَذِيراً فَأَعْرَضَ
أَكْثَرُهُمْ فَهُمْ لَا يَسْمَعُونَ {4} وَقَالُوا قُلُوبُنَا فِي أَكِنَّةٍ

مِّمَّا تَدْعُونَا إِلَيْهِ وَفِي آذَانِنَا وَقْرٌ وَمِن بَيْنِنَا وَبَيْنِكَ حِجَابٌ
فَاعْمَلْ إِنَّنَا عَامِلُونَ {5} قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ
أَنَّمَا إِلَهُكُمْ إِلَهٌ وَاحِدٌ فَاسْتَقِيمُوا إِلَيْهِ وَاسْتَغْفِرُوهُ وَوَيْلٌ
لِّلْمُشْرِكِينَ {6} الَّذِينَ لَا يُؤْتُونَ الزَّكَاةَ وَهُم بِالْآخِرَةِ
هُمْ كَافِرُونَ {7} إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ
أَجْرٌ غَيْرُ مَمْنُونٍ {8} قُلْ أَئِنَّكُمْ لَتَكْفُرُونَ بِالَّذِي خَلَقَ
الْأَرْضَ فِي يَوْمَيْنِ وَتَجْعَلُونَ لَهُ أَندَاداً ذَلِكَ رَبُّ الْعَالَمِينَ {9}
وَجَعَلَ فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي
أَرْبَعَةِ أَيَّامٍ سَوَاء لِّلسَّائِلِينَ {10} ثُمَّ اسْتَوَى إِلَى السَّمَاء وَهِيَ دُخَانٌ
فَقَالَ لَهَا وَلِلْأَرْضِ اِئْتِيَا طَوْعاً أَوْ كَرْهاً قَالَتَا أَتَيْنَا طَائِعِينَ {11}


فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء أَمْرَهَا
وَزَيَّنَّا السَّمَاء الدُّنْيَا بِمَصَابِيحَ وَحِفْظاً ذَلِكَ تَقْدِيرُ الْعَزِيزِ
الْعَلِيمِ {12} فَإِنْ أَعْرَضُوا فَقُلْ أَنذَرْتُكُمْ صَاعِقَةً مِّثْلَ صَاعِقَةِ
عَادٍ وَثَمُودَ {13}
الجزء الرابع والعشرون >> سورة فصلت
دا ردي عليك انا نبي مرسل مش هتزحزح عن هدفي ورسالتي ودعوتي الي الله بانك تقولي تبقي ملك ويبقي معاك فلوس ويبقي معاك اجمل النساء لو كانت شهوته بتقوده صلي الله عليه وسلم مش كان عاش في مكة ملك ومعاه فلوس زي ماعرضوا عليه ثم بعد كده كمان معاه اجمل النساء بأبي هو وامي صلي الله عليه وسلم
حتي المشركين ابو جهل لم يتهم النبي بهذا الاتهام
ابو لهب اكثر اعداء النبي والامة الاسلامية لم يفكر في اتهام النبي ان الشهوة تقوده عشان كده بيتزوج اكتر من واحدة
إزاي نصدقهم وهما بيقولو علي النبي صلي الله عليه وسلم ان الشهوة كانت تقوده!!! وواحده تيجي للنبي تعرض نفسها علي النبي فيقول لا حاجة لي في الزواج
واحده بتقوله تزوجني انا هو جاهزه فينظر لها النبي صلي الله عليه وسلم ويقول لا حاجة لي بالزواج

زواجه من السيدة صفيه (وهنتكلم عن زوجاته التسعه بعد شويه بالتفصيل)
صفيه بنت حي بن الاخطب
حي بن الاخطب ده سيد اليهود وقتها انتو عارفين يا جماعة قصة زواجه من صفية اللي عارف هنشرحها بسرعة واللي مش عارف ازاي تبقي مش عارف وممكن تشك؟؟؟
وباشكر اللي مش عارف وماشكش واستسلم للنبي صلي الله عليه وسلم ومستسلم لقدر الله في النبي بل وعلي بالنبي في ذهنه وفي قلبه اكتر
انتو عارفين ان السيده صفيه كانت في ثبي يعني بعد المعركه جت من غنائم نساء كتير
فواحد من الصحابه جه للرسول وقال هذه صفيه اجمل نساء اليهود لا تليق الا بك والنبي لم يراها ولا يعرفها مش كان راح شاف النساء النبي لو كانت تقوده الشهوة!!! ولما جه الثبي مابصش وقال فين النساء وخدو انتو الفلوس ماكنش يعرف!
فاوع تصدق حد يقولك كده علي الرسول "بأبي وامي" كانت تقوده الشهوة
ازاي نصدقهم وهما كانو بيقولو ان الشهوة تقود النبي!!! ولما اتجوز النبي أول واحده في حياته كانت اكبر منه بما يقرب من 15 سنة السيده خديجه هو عنده 25 سنة وهي عندها 40 سنة وقعد معاها مايقرب 20 سنة وبعد ما ماتت السيده خديجه لم يبحث عن امراه اخري يتزوجها
يخرج للطائف 110 كيلو علي رجليه يستقبلوه بالطوب وبالحجارة ويبصقو علي وجه النبي الشريف
"صلي الله عليه وسلم"
ويرجع يفضل النبي "بأبي وامي" لا يتزوج الي ان يسافر المدينة
ازاي يقولو علي النبي ان الشهوه كانت بتقوده واحنا بنصدقهم!!! لما اول واحده تزوجها النبي بعد السيدة خديجه بعدها بثلاث سنين كانت اكبر من السيده خديجة هي سودة بنت زمعة والنبي لم يفكر ان يتزوج لشدة اهتمامه وانشغاله بالدعوي انما احد زوجات الصحابه اتت وقالت للرسول انت لازم تتزوج انا شايفاك انت وحيد ومحتاج حد يعينك علي الدعوة فاختار النبي الارمله الكبيرة في السن عشان يساعدها ويرعاها مع ان النبي كان يقدر يخش اي بيت من بيوت الصحابه ويقول زوجني بنتك وتكون أحلي واحده واصغر واحده واجمل واحده
شرف ان النبي يجي يقول زوجني بنتك شرف انها تصبح من امهات المؤمنين من اهل الجنة مع النبي ورفيقة النبي في الجنة
دا مرة النبي صلي الله عليه وسلم قال لواحد من الصحابه انا طالب ايد بنتك قال و"نعم عين" يعني والله دي حاجه حلوة اوي قال النبي ليس لي ولكن لجليبيب احد الصحابه اللي مش مشهورين.
الفقراء فقال سأستأذن أمها فراح لأم البنت فقال لها النبي صلي الله عليه وسلم طالب ايد بنتنا فقالت ونعم عين قال ليس له ولكن لجليبيب قالت جليبيب الفقير والقصه لها تكمله سنقولها في نهاية الحلقه لأن تكملتها جميلة جدا في طاعة النبي لكن خدت بالك "فنعم عين"

فكان ممكن النبي صلي الله عليه وسلم يروح اي بيت من بيوت الصحابة لكنه صلي الله عليه وسلم كان بيتزوج لأهداف

ازاي نصدق اللي يقول ان النبي الشهوه تقوده!!! وهو اصلا كان عفيف في الحلم
مره الرسول في صحيح بخاري رواه ابو هريرة يقول دخلت الجنة يعني في الحلم امبارح فرايت قصرا كبيرا جميلا فقلت لمن هذا القصر قالو لعمر بن الخطاب قال ثم رايت جارية تتوضأ ثم ذكرت غيرتك ياعمر فوليت مدبرا النبي غض بصره في الحلم عن واحده في الحلم
الحلم دا بنعمل فيه اللي احنا عايزينه ...حلم ...ماحدش يلومني ....وباقولك غض بصره في الحلم صلي الله عليه وسلم فبكي سيدنا عمر وقال يارسول الله أوعليك اغار هو انا هاغير منك
ازاي نصدق اللي يقول ان الشهوة تقوده عليه الصلاة والسلام؟؟؟ واحب زوجاته اليه عائشة وهي تقول لما سألت عن حكم فقهي هل يجوز تقبيل الرجل لمراته في الصوم ؟فقالت نعم كان رسول الله يقبل وهو صائم ولكنه كان املك لأربه من أحدكم .
الأرب: اي الشهوة

"صلي الله عليه وسلم"

السيدة عائشه بتقول النبي صلي الله عليه وسلم كان املك واحد تعرفوه لشهوته مين اللي بيتكلم أحب زوجات النبي صلي الله عليه وسلم ليه؟ .....اللي بتقول ماحدش كان اقوي في تحكم في شهوته من النبي صلي الله عليه وسلم
ازاي نصدق ان النبي صلي الله عليه وسلم او يجلنا شك ان شهوته تقوده؟؟؟وهو كان معيش زوجته في فقر؟ ليه كان معيشهم في فقر مش عشان الرسول كان فقير! النبي كان بيجيله خمس غنائم الجيش لكن النبي كان عايز يبقي قدوة للمسلمين فاختار الفقراء عشان الفقراء لما يشوفو النبي عايش عيشه فقيرة فيقتدو به فاختار عيشة المساكين عشان مساكين الامة .
واحد تاني لو كنا نصدق انه تقودو شهوته كان فرحهم وبسطهم ومتعهم عشان ينول ماتمني

"صلي الله عليه وسلم"

تقول عائشة ماشبع ال محمد من خبز الشعير حتي قبض رسول الله
ماشبعناش احنا والنبي من العيش الحاف لحد النبي صلي الله عليه وسلم قبض لدرجة انهم تجمعو عليه وقالو زود النفقة شويه علينا فقالهم ماينفعش اننا اعيشكم عيشة أكثر رغدا من كده
علشان الناس ....علشان القدوة.... علشان الفقراء قلبهم مايكسرش لما يعرفو طريقة عيشتي
فأنزل الله القران بص وركز في تفاصيل الايه دي قوله تعالي:

يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ
الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ
سَرَاحاً جَمِيلاً {28} وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ
الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْراً عَظِيماً {29}
الجزء الحادي والعشرون >> سورة الأحزاب
ان كنتو عايزين فلوس زياده تعالو خدو مني اللي انتم عايزينه انا اغني واحد في المسلمين علي الحقيقة لكن مش هينفع نكمل مع بعض لان حياتي فلوسي كلها للناس
400 واحد كان النبي يصرف عليهم اسمهم اهل الصفه بقي الشهوة كانت بتقوده ؟؟؟؟
"صلي الله عليه وسلم"
ازاي نصدق ان النبي صلي الله عليه وسلم كانت الشهوة بتقوده هلي احنا بنخون النبي؟
انتو عارفين ان الله اختار النبي للرساله وقعد النبي 23 سنة بس رسول انتو عارفين عشان النبي يخش الناس في دين الله افواجا محتاج وقت فالنبي هل كان بيضيع وقته في وسط النساء فضيع امانة الدعوة؟!
الكفار كانو مسمينه الصادق الامين ازاي نصدق او نسمع حتي للي بيقول ان الشهوة كانت تقود النبي
" بأبي هو وامي صلي الله عليه وسلم"
وهو كانت عنده امانة الدعوة ثم ازاي نفكر كده ولما طلع المعراج يا جماعة مش كان ممكن النبي يقعد فوق مع حور العين وخلاص بقي ماهو بقاله عشر سنين في الدعوة عشان يدخل معاه الاسلام وتعب اوي ماسلمش معاه 100 واحده لحد دلوقت يقعد مع الحور العين يومين ثلاثة لكنه نزل عشان مهام الدعوة وهو معاه اهم امر من امور الاسلام هي الصلاة
ثم ازاي نصدق واحد بيقول ان النبي كانت تقوده شهوته!!! وهو يوم القيامه يا جماعة يوم الراحة ويوم السعادة للصالحين وهو اصلح الصالحين بل سيد الانبياء اجمعين صلي الله عليه وسلم مش هيبقي مشغول الا بينا احنا كل الانبياء
سيدنا موسي اخذ بقوائم العرش ماسك في العرش... وابراهيم اخذ بقوائم العرش ...
والنبي ينزل يطبطب علي دا... ويشفع في دا... وياخد بايد ده... ويلمنا كلنا يشربنا من الحوض

كان ممكن يروح الجنة ويستمتع بالحور العين لو كان الشهوة بتقوده
وبعدين يروح علي الصراط يعدي... وبعدين يقف علي الصراط في الاخر قال وانا واقف علي جنبتي الصراط أقول يارب سلم يارب سلم ...عدو... عدو...
وبعدين يروح وراهم علي الجنة... يفتح باب الجنة... ويطلع كل واحد في مكانه
يلا بقي حور العين اللي كل الرجاله بيحلمو بيهم لا والله
يطلع من الجنة النبي ويروح عند ربنا يقول يارب المسلمين اللي لسه في النار يقول الله له روح يا محمد طلعهم من النار ويضع له عدد معين فيدخل النار ويحرمه الله عليه لا تمسه ويطلعهم ويرميهم في نهر اسمه نار الحياة ويرجع مرة تانيه ويقول امتي امتي ومرة اخري يدخل
كان ممكن يستقر في الجنه مع حور العين وزوجاته اللي في الجنة لا المسلمين الاول
والمرة الثالثة... والمرة الرابعة الي ان يستحي من "الله عز وجل"
ازاي بعد ده كلو ازاي النبي صلي الله عليه وسلم كانت الشهوة بتقوده!!! بعد ماعاش النبي 23 سنة تقريبا لايقعد في بيته الصبح يلف علي القبائل وباليل حتي مع زوجاته فالسيده عائشة تقول وهو نائم بجانبي في السرير فقال يا عائشة دعيني أقوم بين يدي ربي ساعة

مش هما بيقولو الشهوه كانت بتقوده
سايب مراته احب الناس ليه وعايز يصلي عشان يدعي للمسلمين فاذا فرغت من دعوة الناس فانصب قدميك بين يدينا تدعو للناس فاذا فرغت فانصب ازاي؟

فَإِذَا فَرَغْتَ فَانصَبْ {7} وَإِلَى رَبِّكَ فَارْغَبْ {8}
الجزء الثلاثون >> سورة الشرح
من مواضيع : المحبة في الله برنامج مشكلات من الحياة |برنامج فتاوي|د.عبدالله المصلح |الحلقة الثالثة|
تفسير سورة "الزمر"|ابن كثير|
الأمة ماتت ومافيش أمل في نهضتها!|الحلقة الثانيه|خدعوك فقالو|
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
اجر صيام العشر الأوائل
03-01-2009, 08:54 AM
amr_mero1
 
جزاكى الله خيرا
من مواضيع : amr_mero1
04-01-2009, 04:42 AM
hosam
 
جزاكى الله خيرا
من مواضيع : hosam
04-01-2009, 04:48 AM
المحبة في الله
 
Lightbulb اخر جزئية من الحلقة

احنا هنقدم نشيد اغنية صغير هدية للنبي صلي الله عليه وسلم وركزو في معان الكلام وشوفو اد ايه تعب عشانا

من قبل ما نفتح عنينا للحياة
………
قال الرسول لاصحابه انه حبنا
………
لما عرفت اني كنت واحشه
………
هاعايش حياتي باحبه وكأنه هنا
………
عشانا سافر ساب ناسه ساب اهله وبيته
………
وراح مهاجر ياريته كان بينا ياريته

اوع تلتفت ابدا لاي لحد بيشكك في حلاوة قلب النبي واهتمامه بالناس
اوع تلتفت ابدا لاي واحد بيقولك ان النبي كانت بتقوده الشهوة

أأقوالكم معلومة يا جماعة :
الرسول عاش 23 سنة نبي كان منهم 13 سنة في مكة مافيش فيهم حروب كان ليل نهار بيلف علي القبائل واللي بيرميه بالطوب
ماكان يقعد ملك ومعاه اجمل النساء واكتر فلوس زي ماقريش عرضت عليه لكن دي مش حياته حياته هي انه ينشغل بالناس
وفي قبيلة بني شيبه بعد مادعاهم وهو راجع وبيركب علي الجمل راح واحد ضرب الجمل بالسيف بتاعه فيهيج جمل النبي فيوقع النبي علي الارض" صلي الله عليه وسلم" يجو شوية عيال يضحكو علي النبي وهو مرمي علي الارض صلي الله عليه وسلم ويرجع وهو مهموم لم يتزوج بعد موت السيدة خديجه .
سافر الرسول من مكة للمدينه وقعد فيها 10 سنين
عارفين ياجماعه عدد الغزوات اللي غزاها النبي في العشر سنين اد ايه
اللي بيقولو الشهوة كانت بتقوده!!! مش كان يقعد وسط نسائه احسن
28 غزوة يعني بمعدل 3 غزوات في السنة
يا جماعة لو اترمتلنا اي شبهه في دينا لازم نتهم نفسنا احنا اننا مش عارفين
مش نقول اده!!!ازاي يقولو كده تصدق برده الموضوع صعب عايزين حد يطمنا علي الدين
احنا محتاجين حد يطمن علي نفسنا
عايزين حد يطمنا علي ايمانا مش عايزين حد يطمنا علي ديننا

"صلي الله عليه وسلم بابي هو وامي "

خلينا نتكلم في موضوع تاني اذا كنا قفلنا موضوع ان الشهوة بتقوده مش عايزين نفتحه تاني عايز اوصي صحابنا انا آسف ده تضيع وقت يا جماعة
الناس اللي بتدخل مواقع فيها مسلمين وغير مسلمين كل واحد بيعبر عن دينه
احنا ماعندناش معلومات يا جماعة
يعني ممكن حد يقولي ان ربنا مش موجود وانا ابقي عايز اثبتله مش عارف ايه اللي يخلينا ندخل نفسنا في حاجه زي كده.

مرة النبي صلي الله عليه وسلم في بداية اسلام عمر كان سيدنا عمر ماسك صفحه من التوراة فقال له ماهذا ياعمر قال هذة صفحة من التوراه اعطاها لي واحد من اليهود فالنبي اتضايق وقال امترددون انتم يا بن الخطاب والله لو كان موسي حي بين اظهرنا(في وقتنا ) ما حل له الا اتباعي .
كان في بداية الاسلام وسيدنا عمر من اعظم الشخصيات فمابالك بينا احنا لو سمحت عايز تدخل علي حاجه علي الانترنت او نكلم حد
ادخل علي حجات تزود امانياتك


احنا معانا تليفون دلوقتي وهوقف كلامي احتراما لمدخلاتكم:
استاذ ايهاب: معانا من مصر
السلام عليكم ورحمة الله وعليكم السلام

بالنسبه للارقام اللي انت ذكرتها المرة اللي فاتت ان عدد المغتصبين بيزيد في الغرب سبحان الله مش مع الحريه ده ضد الحرية.
هنا عندنا ناس بينادو للحريه والاختلاط ودا للاسف بيسيء لينا.
و في الغرب نسبة دخول النساء للاسلام بيزيد ليه لانهم حسو ان الاسلام بينصر المراة ويحافظ عليهم المرأة ليست مهانه وليست سلعه الكل يتفرج عليها لو كان الاسلام بيدور علي شهوة ماكنش الاسلام يدخله ناس من الغرب اكتر من الاول .
مداخله جميلة جدا فعلا الاسلام دين النبي العفيف اللي قال في القران قل للمؤمنين يغضوا من ابصارهم وبعدها قال وقل للمؤمنات يغضضن من ابصارهن النبي هو اللي علمنا مانبصش علي النساء ولا النساء تبص

||دين النبي العفيف" صلي الله عليه وسلم" ||

عايزين نتكلم في موضوع تاني واحب افكركم اسمع وانت بتسمع سماع المتواضع مش بتسمع سماع قولي عشان ماشكش في ديني!!!
كده ياجماعة ربنا مش هيعلمنا ربنا بيعلم الناس اللي بيخشو دخول العبيد احنا بنتكلم عن سيد الخلق اجمعين النبي صلي الله عليه وسلم فاسمع واحنا بنتهم نفسنا اللي شاكك يقول طب ياربنا علمني لاحسن انا هاضيع لو كنت شاكك في النبي واللي مش شاكك يسمع ازاي يرد واحنا مافيش فرق انا اللي باتكلم ولا انتم المهم احنا حضرنالكم الحلقه دي عشان نطلع والنبي واخد مقامه في قلوبنا

ايه الشبهة التانيه بعد ماقفلنا الشهوانيه عن الرسول صلي الله عليه وسلم ؟

"بامي وامي عليه الصلاة والسلام"
مسألة تعدد الزوجات وان النبي صلي الله عليه وسلم مات عن 9 نساء

احنا مش بس هنتكلم عن تعدد الزوجات احنا هنتكلم علي جدعنة النبي ورجولة النبي واستحمال النبي عشان يبقي قدوة

كان لازم كل المواقف اللي هتمر بالأمة تتجرب في النبي وهيتشاف فيها النبي هيعمل فيها ايه فالنبي كان قدوة لكل الناس وهنشوف دا ازاي.........................
تعالو نتكلم عن بعض كلام الغرب الغير مؤمنين بالنبي علية الصلاة والسلام الغير مسلمين ازاي بيعظمو في النبي عشان تعرف كما يقولون في الشعر "والفضل ماشهدت به الاعداء " لما واحد غيرك يشكر فيك ويكون هو مش علي طريقك تعرف انك وصلت لقمة الاحترام عند اتباعك وغير اتباعك
الكتاب اللي في ايدي ده مشهور جدا وكتير من الناس استشهدو بيه وانا كمان باستشهد بيه اسمه
|||||||الخالدون مائة وأعظمهم محمد|||||||
لواحد اسمه مايكل هارت.
بصو يا جماعة ..........ده احد أكابر أكابر أكابر أدباء الغرب احنا بنتكلم علي كلام صفوة الغرب بيقول ان أعظم الناس اللي في الدنيا مائة شخصية وأنا حبيت أختار رقم واحد النبي صلي الله عليه وسلم

يقول لقد اخترت محمدا صلي الله عليه وسلم في أول هذة القائمة ولكن أن يندهش الكثيرون لهذا الأختيار ومعهم حق في ذلك ولكن محمدا صلي الله عليه وسلم هو الأنسان الوحيد في التاريخ الذي نجح نجاحا مطلقا علي المستوي الديني والدنيوي وهو قد دعا الي الاسلام ونشره كواحد من أعظم الديانات وأصبح قائدا سياسيا وعسكريا ودينيا وبعد ثلاثة عشر قرنا من وفاته عليه الصلاة والسلام فان اثر محمد عليه الصلاة والسلام مايزال قويا متجددا.

دا احنا القعده اللي احنا قعدناه دلوقتي دي في ميزانه لولاه ماكناش قعدنا نتكلم عليه

"صلي الله عليه وسلم"

واحد هندوسي يقول ان محمدا النموذج المثالي للحياة الانسانية

ياه مافيش حاجه احسن من كده في الدنيا وفي الاخره طبعا لينا اولا احنا بنشكرك انك انت شكرت في نبينا واحنا مش محتاجين دلوقت حد يشكر من الغرب في النبي صلي الله عليه وسلم احنا مش محتاجين نزود ايمانا

بس انا بقول يعني حاجه تكسف في الغرب بيعظموه كده واحنا سعات بنحتاج حد يبينلنا بعض الحجات

غاندي اللي هو من اشهر شخصيات العالم بيقول:

أردت أن أعرف من هو أفضل من يمكن أن يكون له الحكم المطلق علي قلوب الملاين من البشر في وقتنا الحالي فأصبحت مقتنعا بأن ماأكسب الاسلام مكانا في دائرة الحياة ليس السيف وانما كانت البساطة الصارمة والسماحة المطلقة للنبي محمد صلي الله عليه وسلم احترامه الشديد لعهوده واخلاصه العميق لأصدقائة وأتباعه جرأته وشجاعته إيمانه المطلق بالله ورسالته.

كل ماسبق هو السبب في نشر الدعوة وليس السيف وبعدين قال في الاخر شعرت بالاسف لانه لا يوجد شيء اخر أقرأه عن حياته العظيمة
كان عنده الجزء الاول من حياته فقط ولما خلص كان نفسه يقرا الجزء الثاني
واحد يسألني ويقولي طيب هو ما أسلمش ليه اقول ليه" انك لا تهدي من أحببت ولكن الله يهدي من يشاء "
||انت وحضرتك ممن شاء الله ان يكونو من أتباع النبي صلي الله عليه وسلم قل الحمدلله أننا تبع النبي صلي الله عليه وسلم||

تعالو نسمع قصة واحد أسلم حديثا لما سمع عن النبي فانقاد لحلاوة دين النبي صلي الله عليه وسلم يلا نسمع بلال ونقفل شبهة تعداد زواج النبي

السلام عليكم ورحمة الله وبركاته

أنا اسمي بلال عبدالله محمد


أنا مسلم جديد فقد أسلمت منذ أحد عشر شهرا
الشيء الذي جعلني فعلا أدخل في دين الأسلام
علي ما أعتقد أنه العام الماضي عندما ظهر ذلك الرجل في الدنمارك والذي رسم رسوما سبته جدا جدا للنبي صلي الله عليه وسلم وبرغم أنني لم أكن مسلما وقتها إلا أنني غضبت جدا وما أعنيه أن تفكر في الأمر فقط............
حتي اذا لم تكن مسلما وايا كانت الديانه التي تعتنقها إذا أهان أحد رمزك الديني
ما أقصده فقط فكر في هذا الأمر بهذة الطريقة
ومن ثم بدأت أتسائل من هو النبي محمد صلي الله عليه وسلم
وبدأت بحثي في الكتب وعلي الانترنت محاولا فهم من هو النبي محمد صلي الله عليه وسلم
وما وجدته كان مذهلا للغاية ........مما جعلني أعجب به
علي اية حال فإن الله تعالي يدعوك في الموعد الذي يحدده وليس هناك ماتستطيع فعله لأن الله هو الذي يدعو من اختارهم للأسلام وهكذا اختارني ثم بدأت أخسر كل الأشياء الأساسيه في الحياة
حتي الاشخاص الذين كنت أدعوهم أصدقاء
بدأو في التعامل معي بطريقة سيئة
الحمدلله رب العالمين أصبحت بلا مأوي في بلجيكا عندما كنت في أوروبا
فدعاني الله إلي الذهاب الي المسجد
فذهبت إلي> مسجد ماكلين< في ماكلين- بلجيكا
وعندما دخلت نمت طوال الليل
وعندما استيقظت طلبت من الأشخاص هناك يعلموني كيف أصلي
ومن هنا وبعد بعض الوقت ذهبت لتلاوة الشهادة

"أشهد أن لا إلاه إلا الله ....وأشهد أن محمدا رسول الله"
أنا أحب الأسلام من كل قلبي
وأحب رسول الله صلي الله عليه وسلم
فهو النموذج المثالي الذي يجب علي البشريه أن تقتدي به
وحتي يوم مماتي سوف أتبع سنة الرسول صلي الله عليه وسلم قدر ما أستطيع

أحلي صلي الله عليه وسلم سمعتها في حياتي
بلال مواطن أمريكي أسلم بيشتغل مدرس انجليزي في أحد المدارس
اسمها مدرسة البشاير بمصر ......مدرس انجليزي وهو اصلا امريكاني مسلم وسمعني النهارده أحلي صلاة علي النبي يارب يا بلال يحشرنا معاك مع الصالحين يوم يقوم الناس لرب العالمين .

هاقول اسباب زواج النبي صلي الله عليه وسلم عشان نتعلم مش عشان نبرر احنا خلاص مستسلمين لقدر الله في ما يفعل بك لتكون قدوة لنا
النبي في كل واحدة من زوجاته بيبعت رسالة اما بيعلمنا حاجه اجتماعيه عشان مايحصلش فساد اجتماعي بسبب البعد عن سنته وهنشوف دلوقت أو بيعمل كده لتأليف قلوب القبائل أو بيعمل حاجه مرتبطه بالدعوي.
طبعا خديجه تزوجها النبي وعنده 25 سنة وهي اكبرمنه ب15 سنة وعاشت معه 20 سنة وفضل بعدها صلي الله عليه وسلم غير متزوج وبعدين........
تزوج السيدة سودة بنت زمعة وهي اكبر من النبي باكتر من 20 سنة وروايه تقول وهي حوالي 65 سنة تزوجها النبي لكي يرعاها
السيدة زينب بنت جحش :
تزوجها لان كان في حاجه مرتبطه بالتشريع سيدنا زيد بن حارثة كان في حاجه مرتبطه بالتبني فهي كانت زوجة زيد وكانت تتعالي عليه وياتي للنبي يقول له والنبي يقول له لا تطلق زينب ولكن الله يأتي بوحي من السما انك يا محمد مافيش حاجه اسمها تبني لان زيد مش هينفع يكون ابنك بعد كده وعشان نأكد علي الموضوع ده كان لازم يتزوجها النبي عشان يبطل موضوع التبني
ومش هاقدر أقولكم غير اتنين بس من زوجات النبي عشان الوقت
السيدة جويريه بنت الحارث :
لما تزوجها النبي يكفي أقول لكم ان كل قبيلتها اساري عند المسلمين لما تزوجها النبي كل المسلمين أطلقو الاسري لانهم أصبحو اقارب النبي فكل القبيلة الاف دخلو في دين الله احتراما لنسب النبي فتزوج النبي واحده متزوجه من قبل ذلك أو كبيرة في السن حتي تدخل في دين الاسلام .

سؤال ؟؟؟؟؟؟؟؟؟

الناس اللي بتسأل عن السيدة عائشة وتقول ازاي النبي تزوجها وهي سنها صغير!!!

أولا كلكم عارفين ان النساء زمان كانو بيبلغو في سن صغير جدا وأنا هاعرضلكم صور بنات تتزوج في نفس سن السيدة عائشة لو انتم شايفين دلوقتي واحده مع زوجها عندها 13 سنة في رومانيا وواحده عندها 9 سنين في سنة 2001-2003 عشان ماحدش يستغرب طب زمان ده كان العادي والسيدة عائشه كانت مخطوبه لجبير بن مطعم بن عدي قبل النبي صلي الله عليه وسلم وايه الأحلي يا جماعة الأحلي أن النبي يتزوج واحده عندها 20 سنة في أحلي سنين البنات والأنوثه ولا يتزوج بنت عندها 9 سنين

عارف ليه؟؟؟
عشان تعيش بعد النبي صلي الله عليه وسلم تعلم الصحابة أربعين سنة عاشت بعد النبي
عدد الاحاديث التي روتها السيده عائشه عن النبي 2210
بسبب قربها من النبي طول عمرها بعد النبي عاشت 40 سنة فاختار النبي ان يختار واحده عندها 9 سنين ولكنها كانت صالحه أن تكون امرأة تتزوج.
والسيدة صفيه زوجة النبي كانت اصلا متزوجه قبل النبي من واحد يهودي في نفس السن قبل ماتسلم فالموضوع كان عادي عند العرب اصلا فيختار النبي يتزوج السيدة عائشة الصغيره في السن عشان بعد مايموت الرسول تعلم الصحابه 2210 حديث .

وصيتي ليكم


1- القراءة عن النبي صلي الله عليه وسلم كتاب اسمه
|||||||||| الشمائل المحمديه||||||||||
للأمام الترمذي فيه صفات النبي .

2- ان احنا نصلي علي النبي ياجماعة ولو مرة في اليوم

هما الوصيتين دول وبس
اقراكتاب الشمائل المحمديه كتاب صغير كل يوم ولو خمس صفحات
الوصيه التانية صلي علي النبي ومن صلي علي صلاة صلي الله بها عليه عشرة
هنصلي علي النبي كتير عشان نقرب منه وهنقرا عنك عشان نعرفك ومانشكش في طريقك يارسول الله


|||يارب نفرحك بالحلقة دي يارسول الله كلنا مع بعض ونقابلك يوم يقوم الناس لرب العالمين|||
"وصلي اللهم وبارك علي النبي الامين والحمدلله رب العالمين"

من مواضيع : المحبة في الله الدعاء علي العدو
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
الله نور السماوات والأرض
برنامج خدعوك فقالوا!!!
هناك شبهات حول النبي "صلي الله عليه وسلم "!|الحلقة الثالثة|خدعوك فقالو
 

الكلمات الدلالية (Tags)
"!|الحلقة, "صلي, الله, الثالثة|خدعوك, النبى, شبهات, عليه, فقالو, هناك, وسلم

أدوات الموضوع

الانتقال السريع

المواضيع المتشابهه
الأسرة المسلمة

هناك شبهات حول النبي "صلي الله عليه وسلم "!|الحلقة الثالثة|خدعوك فقالو

الساعة الآن 11:12 AM.