xpredo script

العودة   نيو حب > المنتديات العامة > الحوار المفتوح
التسجيل

باركولى .. انا جالى عريس

الحوار المفتوح

05-03-2009, 05:04 PM
Dodoo98
 
كاتب باركولى انا جالى عريس

باركولى .. انا جالى عريس


السلام عليكم ورحمه الله وبركاته



باركولى يا جماعه انا جالى عريس
وهقولكم على التفاصيل كلها والحكايه جت ازاى ..

نزلت من بيتنا .. وكنت رايحه عند اختى
وماشيه ماشيه .. وماليش دعوه باى حد
بس فجأه فوجئت بحد ماشى ورايا ..
خطوه بخطوه ... ادخل من شارع وهو ورايا ..
اممم اعمل ايه ..
فجأه ... لقيت الى كان ماشى ورايا ده .. شاب
وجه وماشى جمبى وعمال يكلمنى .. وانا طبعا متلفتلوش اصلا
وهو بقا عمال يتكلم ويقولى
انا من ساعت مشفتك وانا معجب بيكى .. وانا متابعك من فتره .. ونفسى اتعرف عليكى
وفعلا انا شايف انك انسانه محترمه جدا ... وكلام من ده
وانا طبعا والا اصلا بصتله ... المهم نزلت المترو عشان اركب واروح لاختى
نزل ورايا ( يووو يادى الشغلانه السودا ) رُحت عشان اقطع تذكره عشان اركب
الاقى الى سابقنى على شباك التذاكر .. وبيقولى
مش ممكن اخلى الانسانه الى هرتبط بيها هى الى تدفع
قلت فى نفسى مجنون ده والا ايه .. وهيرتبط بمين
طبعا مختش منه التذكره وكملت ونزلت بقى عشان اركب
نزل برده ورايا وقعد يتكلم وكده .. وانا معجب بيكى
وياريت تحدديلى معاد مع بابا عشان اجى اخطبك منه
انا طبعا كنت واقفه مش مستوعبه اى كلمه من الكلام ده كله
لقيته بيطلع الكارت بتاعه وبيدهولى وانا مش عارفه خدته منه ازاى
ورحت حكيت لاختى على كل حاجه .. قررت انها تكلمه وتعرف منه كل حاجه
المهم قالها انه معجب بيا من فتره .. والكلام الى انا قلتهلكوا كله فوق
بينى وبينكوا انا كنت فرحانه جداا ... بس مش عارفه اعمل ايه

المهم فى الاخر الخطوبه فشلت .. وطلع كل ده كلام وخلاص
واسطوانات بتتقال لغرض بس انه كان يتعرف عليا ..

نيجى بقى للسؤال الى بنقوله دايما فى اخر الحلقه
يووووو .. اقصد فى اخر الموضوع ..

ايه رايكوا فى الشباب الى بيروحوا لبنت عرفوها كده وهى ماشيه
وبيقولوها انهم عاوزين يتقدمولها ... تفتكروا ممكن جوازه تكمل بالمنظر ده


المهم نكمل .. كل الرغى الى فوق ده طبعا مش حقيقى
ده بس كان خايلالى واسع شويه وقلت احكيلكوا
المهم بس اننا نوصل لمضمون الموضوع ..





ونستفيد..........
من مواضيع : Dodoo98 قرأت هذا القصة المؤثرة جدا فأحببت أن تقرأوها
طبيب اسنان واحد........!!!!!!!!!
الجدار ينتظرك فماذا ستكتب عليه....؟؟؟؟؟؟؟؟؟؟؟؟؟!!!!!!!
14 سؤال تحتاج للصراحة الكاملة و الشجاعة
امامك ثلاث مواقف-على اي موقف تسقط دمعتك وتبكي عليه ؟؟؟؟؟؟
05-03-2009, 08:45 PM
رومانسيه منسيه
 
ياااااااااااااااااااااااا ه دول كتير اوي الي بيعملوا الحركات النص كوم دي وفي الاخر بيطلعوا فشنك يعني اكيد مفيش جوازه حتكمل كده لان مفيش حد جد ممكن يكلم البنت بالطريقه دي وحيجي من الباب الاول
شكرا على الموضوع الي فعلا مهم اوي
من مواضيع : رومانسيه منسيه خاين ولا
معلومات شخصيه
انت عملت ايه لنصرة الرسول عايز تعمل حاجه عندي فكره ادخل
هل تعترف
مع او ضد
05-03-2009, 09:36 PM
sarsora
 
موضوعك جميل يا دودوو
وبصى يا ستى
هو لو مشى وراها وحب يكلمها يبقه من بدايتها كده مش عايز يدخل من الباب ولا حاجة لانه لو عايز يدخل من الباب هيعرف مكان بيتها ويروح يقابل اهلها على طول من غير بقه شغل الكلام اللى فى الشارع ده واحلى حاجة عجبتنى فى كلامك ان لو بنت اتعرضت لموقف زى ده انها تمشى ومتعبرش اى كلام من اى شخص مهما كان وتمشى فى حالها وملهاش دعوة بيه خالص واهم حاجة انها ما تاخدش منه اى شئ لا كرت ولا غيره ومتعبرهوش خالص وهو بقه لو عايزها بجد هيروح لغاية البيت من نفسه اما بقه حكاية ان جواز بالشكل ده هتكمل واللا لا فهى مش هتبتدى اصلا لانه بيتسلى وبيضيع وقت عالفاضى وغرضه يعاكسها


موضوعك جميل جدا
تحياتى ليكى ودمتى بكل خير
من مواضيع : sarsora ..لماذا نعطس؟؟؟!!!!!
.. أحساس صعب ..
.. انتظر لحظة لو سمحت ..
مهم .. ومش مهم ..
.. علمتنى الحياة ..
05-03-2009, 09:55 PM
MOHAMED BASHA
 
اولا احب اشكرك على الموضوع اللى ضحكتى علينا فى اخره

ثانيا والاهم زى ماقالت رومانسيه اللى بيعمل كده كتير اوى
بس ممكن يكون لسببين والناتج واحد

اولا انه لسه مراهق او واحد لسه مش قد المسئوليه ونفسه انه يرتبط او يتجوز او حاجه من دى وخلاص

ثانيا انه ممكن مبيفهمش فى الاصول وبرضو مش قد المسئوليه وانه مش يقدر يفتح بيت ويرتبط بواحده ويكون قد الالتزام والارتباط ده بجد

والنتجيه واحده وهى ان فى كلا الحالتين ده مينفعش للارتباط الرسمى باى شكل من الاشكال

وبالنسبه لو حد عمل كده مع اى واحده المفروض انها تتجاهله ولو زاد فى مضايقته تحذره انها هتعمله مشكله لو ماسبهاش فى حالها
بس طبعا وهى بصه فى الارض مش تبصله وتتلجلج فى الكلام ومش عارف وحركات البنات دى
وبعد كده اقرب فكهانى مثلا او بقال او اى حد كبير فى السن وياسلام لو من الارياف او من الصعيد لعل وعسى نلاقى فى شهامه بكل هدوء تقوله الانسان ده بيضايقنى وبيقولى كلام مش عارف واى حوار كده تبتكره وقتها
اخينا طبعا هاخد العقله ومش هيجرؤ انه يمشى فى الشارع اللى انتى ماشيه فيه بعد كده اساسا

ملحوظه رفيعه :- انا قولت تحذره لانها لو سابته مش هيسيبها فى حالها وهيقول ممكن يجى منها والكلام التعبان ده بجانب ان لو حد شافهم هيقول يعرفوا بعض ويمكن متخانقين ولا اى حاجه المهم انه ميدخلش ولا يحاول ينقذها او يحميها
وانتوا عارفين شهامه الرجاله بعافيه اليومين دول للاسف


اخيرا وليس اخرا موضوعك بجد جامد يا دودو
ولى الشرف ان ارد فيه

تحياتى


من مواضيع : MOHAMED BASHA هام جدااااااااا كيف تختار الزوج والزوجه
كتاب كفاحى لهتلر | حكمه هتلر فى اليهود
من فضلك ... زد من سرعتك في القراءة .. لكن كيف ؟!!!!!!!!
تحذير هاااااااااااام لكل بنات المسلمين وايضا شباب المسلمين
اعلانات اعلانات اعلانات كل شوية اعلانات !!!!!!!!!!!!!!!!
06-03-2009, 05:38 PM
عمرووووووو
 
طب انا مش هرد عشان محدش يزعل منى فى الأول
انا هسأل الأول


لو البنت هى اللى بتحب الولد ده
ممكن تعمل ايه
من مواضيع : عمرووووووو
 

الكلمات الدلالية (Tags)
انا, باركولى, جامد, عريس

أدوات الموضوع

الانتقال السريع

باركولى .. انا جالى عريس

الساعة الآن 08:40 AM.