xpredo script

العودة   نيو حب > المنتديات العامة > الحوار المفتوح
التسجيل

النهارده حصل معايا موقف ....هزني

الحوار المفتوح

19-04-2009, 12:03 AM
ebrahim helaly
 
06 النهارده حصل معايا موقف هزني

النهارده حصل معايا موقف هزنى جدا...كان نفسى اى مسئول عنده ضمير كان يكون معايا فى الموقف ده...كنت راجع بالميكروباص من الشغل بتاعي و عاوز انزل سيدي جابر...ركبت الميكروباص اللى كان مليان على الاخر و كنت قاعد جنب واحده ست طخينه...المهم كل واحد لم الفلوس علشان يديها للسواق...فسألت الست اللى قاعده جانبى هوه الاجره كام...قالت لى 75 قرش...اديتلها 100قرش و هى اديتلى 25 قرش...قلتلها مش مهم خلاص قالت لى لأ لازم اخدهم...اخدتهم...و كان راكب معانا فى الصف الاخير بنات راجعين من كلياتهم او مدارسهم مش عارف...و كل واحده كانت بتلم من اللى جنبها الفلوس...كلنا لمينا الفلوس على بعضها و اديناهم للى قاعد ادام اللى اداهم للسواق...بعد شويه لقيت السواق بيقول لنا ناقص ربع جنيه...محدش رد...فى ربع جنيه ناقص يا جدعان...ما حدش رد...راح مفرمل بنرفزه فجأه و موقف الميكروباص و اتدور و بصلنا بغضب...اللى مادفعش الربع ياريت يطلعه...راحت الست الطخينه اللى قاعده جانبى مزعقه فيه...احنا ادنالك الفلوس مظبوطه ياسطى...راح مدور وشه تانى لقدام و باصص لينا فى المرايه و قال انا كده مش حاشتغل...راح واحد من اللى قدام و شكله يخوف قال له طب حات الفلوس تانى...راح مديهمله السواق...و فضلنا نرجع الفلوس بتاعتنا تانى لكل واحد فينا...و جمعنا الفلوس من اول و جديد و اديناهمله...راح شاخط فينا و قايل ناقص ربع جنيه...الرجاله اللى قاعدين ادام محدش نطق و كل واحد عمل نفسه اكنه مش سامع و راحت بنت اموره قاعده ورايه شاخطه فيه ماحدش حايديلك حاجه بعد كده...راح السواق مهددنا و قايل انا كده مضطر انى انزلكم هنا...راحت مجعره فيه الست الطخينه اللى قاعده جانبى...هى ايه...بلطجه...روحت انا مطلع المحفظه بتاعتى و مطلع منها ربع جنيه علشان اديهم للسواق...لقيت اللى فى الميكروباص كلهم بيبصولى بشر و الست اللى جنبى بتمسك ايديه و بتقول لى حطهم يابنى تانى فى محفظتك...قلت لها مش مشكله ربع جنيه عادى يعنى...قالت لى لأ رجعهم تانى محفظتك...ليه تدفع حاجه هوه مالهوش حق فيهم...هوه حرامى و احنا عارفين الحركات بتاعته دى...قولت لها علشان بس ما يحصلش مشاكل...راحت شخطه فيه رجعهم...حطيت الربع جنيه فى المحفظه و بصيت للركاب التانيين اللى كلهم كانوا بيبرئولى باندهاش...قلت لهم ربع جنيه دول يعنى مش حاجه...لما قلت الكلمه دى حسيت انى شتمتهم...كلهم بصولى بحرقه شديده...و واحد منهم بصلى باحتقار...و فجأه البلاستيك اللى على العجله اللى ورا طارت و السواق وقف الميكروباص على جنب علشان ينزل و يجيب الحته اللى اتكسرت...لما نزل السواق و راح يمشى مسافه طويله لورا الركاب فضلوا يقولوا لبعضهم ربنا كبير...شفت يستاهل...يمهل و الا يهمل...شفت ربنا عمل فيه ايه...انا انتهزت الفرصه دى و قولتلهم ممكن تحاسبوا انا عاوز انزل...كلهم قالوا لى ليه بس...ما تزعلش...ما فيش حاجه يا بنى...افتكروا انى خفت من السواق او الموقف...او انى اتضايقت من اللى حصل منهم لما حاولت ادى السواق ربع جنيه...بس الحقيقه انا كنت عاوز انزل سيدي جابر...و انا كنت فاكر الراجل حايعدى على سيدي جابر...بس الراجل لقيته خد طريق تانى و رايح من طريق البحر...و لما نزلت من الميكروباص لقيتهم بيكلموا بعض...اكنى كنت واحد اجنبى راكب معاهم و نزل...و شفت واحده بتضرب كف على كف...اكنها بتقول لى لا حول و الا قوه إلا بالله...شوف الواد دفع 75 قرش و عملنا الهوليله دى كلها عالربع و نزل بعد دقيقتين...ده رمى فلوسه على الارض

فى اللحظه دى اكتشفت انى واد متدلع...واننا فعلا في ماساه...و الغريبه اننا لسه عايشين...و الله الشعب ده ابن حلال طيب
النهارده حصل معايا موقف     هزنيشكرا

من مواضيع : ebrahim helaly امتحــــــــــــــــــــــــــــــــــــــــــــــ ـان
النهارده حصل معايا موقف ....هزني
اشترك معنا في حفله يوم اليتيم 3/4/2009 عايز ردود ومشاركه
الحب.. رأي و وجهة نظر ..
ساهم لبقاء اسرائيل
19-04-2009, 11:51 PM
MOHAMED BASHA
 
ههههههههههههههههههههههههه هه
اه والله عندك حق
لسه فى ناس كتيره طيبه وعندها ضمير وغلالالالالالالالابه
والواحد والله بيشوف العجب كل يوم وكل شويه

فى الاخر نقول يارب اهدينا واهديهم ووفقنا لما تحبه وترضاه
ولا تؤاخذنا بما فعل السفهاء منا

تسلم ايدك بجد على الموضوع الجميل
والاسلوب السهل والبسيط فى الحوار ( العامية يعنى )


اغلى تحياتى

من مواضيع : MOHAMED BASHA كتاب كفاحى لهتلر | حكمه هتلر فى اليهود
من فضلك ... زد من سرعتك في القراءة .. لكن كيف ؟!!!!!!!!
هام جدااااااااا كيف تختار الزوج والزوجه
اعلانات اعلانات اعلانات كل شوية اعلانات !!!!!!!!!!!!!!!!
جمـــل لا تقـــــال الا في البيـــوت المصـــــــرية
20-04-2009, 12:06 AM
انا مظلوم
 
اللهم اهدى الجميع الا اعرف ان اشد يوم باسا عليا ليله اول امس
بعلمى بحادث اخى qwert1234
اصعب يوم بحياتى
https://new7ob.com/vb/pro98027.htm
من مواضيع : انا مظلوم الى الاخ الدمرداش.....اترك الاعلام وكفاك
مصر اللى همانى
بعد حفل تنصيب اوباما ......غير فكرك
البابايا ثمرة مهمة جدا (الباباظ)
سؤال مهم
20-04-2009, 06:18 PM
ebrahim helaly
 
شكرا علي الردود ثانياياربيكون الاخqwert بخير يارب ويكون حادث بسيط ونطمن عليه في اسرع وقت
من مواضيع : ebrahim helaly عاااجل الدنمارك تريد حرق المصحف يوم السبت
لمسات سحريه تفتح بها القلوب
الحب.. رأي و وجهة نظر ..
"اهـــداء,مـــن,الحـــــب"
كلمـات وحياه
22-04-2009, 03:35 AM
رومانسيه منسيه
 
ههههههههههههههههههههههههه هههههههههه
انا فعلا حصل معايا موقف شبيه بده والناس استغربت اوي كأني خوجايه ولا حاجه مع اني عادي خالص ومش حاسه بقيمة ربع ولا نص ولا حتى جنيه يمكن علشان مدلعه او علشان ما بشتغلش على الفلوس دي باخد مصروفي وخلاص واما يخلص باخد غيره بس برده لازم يبقى كل حاجه بحدود يعني لا تبذير ولا بخل
وشكرا على الموضوع
من مواضيع : رومانسيه منسيه حين يغدر بك الاصدقاء
خاين ولا
بكرهك .... بكرهك
معلومات شخصيه
سوف اكتب أحقادي على الثلج , لكي تذوب مع طلوع الشمس
23-04-2009, 05:59 PM
ebrahim helaly
 
رومنسيه الجميله بجد انا بفرح بردك علي موضيعي وشكرا ونردهلك في الافراح ولا في موضوع تانيههههههههه
من مواضيع : ebrahim helaly أغبى البنات
فنون التعامل مع المراه
فانوس رمضان ياتري هتهديه لمين؟!!
العنوان اللى فوق مش للموضوع اللى تحت
الحرب ضد البنطلونات ’الرخوة الساحلة’ مستمرة
16-06-2009, 06:09 AM
beautyface
 
هههههههههه
فعلا واللهى عندهم حق
بس الربع جنيه مش حاجه برده يعنى
بس احلى حاجه ان ربنا عاقب السواق فى نفس الدقيقه فعلا يمهل ولايهمل
تحياتى
من مواضيع : beautyface بتخاف من ايه
ممكن فى يوم من الايام تقتل
هى مصر لسه امى؟؟؟؟؟؟
سؤاااااال.....؟؟؟
ادخلوا شوفوا فضل اللغه
 

الكلمات الدلالية (Tags)
معايا, موقف, النهارده, جزم, هزني

أدوات الموضوع

الانتقال السريع

المواضيع المتشابهه
رخامة *رخامة * رخامة, هي طلبت معايا رخامة النهارده
اتخيلوا معايا عام 2020

النهارده حصل معايا موقف ....هزني

الساعة الآن 03:27 PM.